އިސްލާމީ ދައުލަތްތަކުގެ ތެރެއިން އަސްކަރީ ގޮތުން އެންމެ ކުރިއަރާފައިވާ ދެޤައުމު ކަމަށްވާ ޕާކިސްތާނާއި ތުރްކިޔޭ އިން އޮތީ އީރާނުގެ ސަރުކާރާއި އެކު ކަމަށް އެ ދެޤައުމުން ބުނެފިއެވެ.
ޕާކިސްތާނަކީ ނިއުކްލިއަރ ހަތިޔާރު ހުރި ހަމައެކަނި މުސްލިމު ޤައުމެވެ. ޕާކިސްތާނު އޮންނަ ލޮކޭޝަނުގެ ސަބަބުން ފަސޭހަ ކަމާއި އެކު އީރާނަށް އެހީތެރިކަން ފޯރުކޮށްދެވޭނެއެވެ.
އަނެއްކޮޅުން ތުރްކިޔޭ އަކީ ޔޫރަޕާއި އޭޝިޔާއާއި އަދި މެދުއިރުމައްޗާއި ވެސް ބޯޑަރު ހިއްސާ ކުރާ މާސިންގާ އަސްކަރީ ފައުޖަކާއި ވަރުގަދަ ޑިފެންސް އިންޑަސްޓްރީއެއް އޮންނަ ގަދަ ބާރެކެވެ. އަމިއްލަ ޑްރޯންތަކާއި ޓޭންކާއި ހަނގުރާމަ މަތީ މަނަވަރުތައް އުފައްދާ ޤައުމެކެވެ.
Advertisement
މި ދެޤައުމުން އީރާނުގެ ސަރުކާރަށް ފުރިހަމަ އެއްބާރުލުން ދޭނެ ކަމަށް ބުނެފައި މި ވަނީ އީރާނަށް ޙަމަލާ އެއް ދިނުމަށް އިސްރާއީލުން އެމެރިކާ ލައްވައި މަސައްކަތްތައް ކުރާ ދަނޑިވަޅެއްގައެވެ.
އީރާނުން ބުނެފައި ވަނީ އެމެރިކާ ނުވަތަ އިސްރާއީލުން ދޭ ކޮންމެ ޙަމަލާ އަކަށް ވަރަށް ވަރުގަދަ ރައްދެއް ދޭނެ ކަމަށެވެ.
ތެހެރާނުގެ ސަރުކާރުން ބުނީ އެޤައުމުގެ އެއްވެސް ސަރަޙައްދަކަށް ޙަމަލާ ދީފި ނަމަ، އީރާނުން ރައްދު ދޭނީ އެއަށްވުރެ ބޮޑު ބާރަކާއި އެކުގައި ކަމަށާއި ބަދަލު ހިފުމަށް ފަސްނުޖެހޭނެ ކަމަށެވެ.
އެމެރިކާ އާއި އިސްރާއީލުން އަޑީގައި ތިބެގެން އީރާނުގައި އަދިވެސް ދަނީ މުޒާހަރާ ކުރަމުންނެވެ. އެ މުޒާހަރާ ތަކަށް 20 ދުވަސް ވެފައި ވާއިރު މިހާތަނަށް ފަސްހާހެއްހާ މީހުން މަރުވެއްޖެ ކަމަށް ބައެއް ޚަބަރު ބުނެއެވެ.
ރޫހާނީ ލީޑަރު ޚާމަނާއީ ވިދާޅުވީ އީރާނުގެ މުޒާހަރާތަކުގެ ސަބަބުން ލިބެމުންދާ ގެއްލުންތަކުގެ ޒިންމާ ނަގަން ޖެހޭނީ ޓްރަމްޕެވެ. ސަބަބަކީ ޓްރަމްޕް ގެންދަވަނީ އީރާނުގެ ސަރުކާރާއި ދެކޮޅަށް މުޒާހަރާކޮށް ހަމަނުޖެހުން އުފައްދަން މުޒާހަރާގެ ބައިވެރިންނަށް ހިތްވަރު ދެމުން ކަމަށް ޚާމާނާއީ ވިދާޅުވިއެވެ.
