ސީރިއާގެ ޑިމޮކްރެޓިކް ފޯސަސް (އެސްޑީއެފް) އިން ބަލަހައްޓަ ޖަލުން ފިލައިގެން ދިޔަ އިސްލާމިކް ސްޓޭޓް (އައިއެސް) ޖަމާއަތުގެ 81 މީހަކު ހައްޔަރުކޮށްފައިވާ ކަމަށް ސީރިއާގެ ދާޚިލީ މިނިސްޓްރީން ބުނެފިއެވެ.
އެސްޑީއެފް އަކީ އެމެރިކާ އިން ހަތިޔާރާއި ފައިސާގެ އެހީ ފޯރުކޮށްދޭ އަސްކަރީ އިއްތިހާދެކެވެ. މި ފޯސް މައިގަނޑު ގޮތެއްގައި ހަރަކާތްތެރި ވަނީ ސީރިއާގެ އިރުއުތުރުގައެވެ. މި ޖަމާޢަތް އުފެއްދީ 2015 ވަނަ އަހަރު އައިއެސް ޖަމާއަތާއި ހަނގުރާމަ ކުރުމަށެވެ. މިއީ ކުރުދީ ޕީޕަލްސް ޕްރޮޓެކްޝަން ޔުނިޓްސް (ވައިޕީޖީ) އިން ލީޑު ކުރާ ފޯސް އެކެވެ.
ސީރިޔާގެ އިންޓީރިއާ މިނިސްޓްރީ އިން ބުނީ އެސްޑީއެފް އިން ބަލަހައްޓާ އަލް ޝައްދާދީ ޖަލުން އައިއެސްގެ 120 ވަރަކަށް މީހުން ފިލައިގެން ދިޔަ ކަމަށެވެ.
