އިންޑިއާގެ މަދްޔަ ޕްރަދޭޝްގެ އިންދޫރު ސިޓީގެ މަގުމަތީގައި އިށީނދެގެން އިނދެ ސަލާންޖަހަމުން ދިޔަ މީހަކު މިލިއަނަރަކަށް ވެއްޖެއެވެ. އޭނާގެ ތިން ގެއާއި ކާރަކާއި ރިކްޝާއެއްގެ އިތުރައް އެނާގެ އަތުގައި އެތައް މިލިއަން ރުފިޔާ ހުރިކަން މިހާރު ވަނީ ހާމަވެފަ އެވެ.

އިންޑިއާގެ މީޑިއާ ރިޕޯޓެއްގައިވާ ގޮތުން އިންދޫރުގެ ހަލަބޮލި ބާޒާރުގައި ނުކުޅެދުންތެރިކަން ހުންނަ މީހަކު ކުރިން ރަތްކުލައިގެ ދަގަނޑު ގާޑިޔާއެއްގައި ހިމޭނުން އިށީނދެގެން އިނެވެ. އޭނާ އިށީނދެ އިނދެ އަޑުންއަޑުނަގައި މީހުންނަށް އާދޭސްކޮށް ނަހަދައެވެ. އޭނާގެ ކައިރިން ހިނގާ މީހުން އޭނާއަށް ރުފިޔާ އާއި ފައިސާފޮތި ދީހަދައެވެ. މިއަދު އޭނާއަކީ ނިކަމެތި ފަގީރު ސަލާންޖަހާ މީހެއް ނޫނެވެ. މިއަދު އޭނާއަކީ މިލިއަނަރެކެވެ.

ސަލާން ޖެހުން މަނާ ކުރުމަށް ސަރުކާރުން ހިންގާ ކެމްޕޭނު ފެށުމުގެ ކުރިން ސަލާންޖަހާ މީހާ މަންގިލާއަށް ދުވާލެއްގެ މައްޗަށް 400 އާއި 500 ރުފިޔާއާ ދެމެދުގެ އަދަދެއް ލިބެއެވެ. އެ ފައިސާ އޭނާ ރޭގަނޑު ބާޒާރުގެ ވިޔަފާރިވެރިންނަށް ލޯނުގެ ގޮތުގައި ދޫކުރެއެވެ. އެކި މުއްދަތަށް ދޫކުރާ ލޯނުން އޭނާ އިންޓަރެސްޓް ނަގައެވެ.

މަލިންގަލާގެ މައްސަލައިގެ ތަހުގީގަށް ބަލާއިރު އޭނާގެ އަތުގައި 3 ގެއާއި 3 އޮޓޯ ރިކްޝާ އަދި 1 ކާރުގެ އިތުރަށް ނުކުޅެދުންތެރިކަން ހުންނަ މީހުންނަށް ސަރުކާރުން ދީފައިވާ ގެއެއްވެސް އޭނާއަށް ލިބިފައިވެއެވެ. އޭނާގެ އޮޓޯ ރިކްޝާތައް ހުންނަނީ ކުއްޔަށް ދޫކޮށްފައެވެ. އޭނާގެ ކާރު ދުއްވަން ޑްރައިވަރަކަށް ވަނީ ވަޒީފާ ވެސް ދީފައެވެ.

އޭނާ ބުނި ގޮތުގައި ސަރަފާ ބާޒާރުގެ ބައެއް މީހުންނަށް އިންޓަރެސްޓަށް ފައިސާ ދިނުމަށްފަހު ކޮންމެ ދުވަހަކު އެތަންތަނަށް ގޮސް އިންޓަރެސްޓަށްވާ ފައިސާ އޭނާ ހޯދައެވެ.

ސަލާންޖަހާ މިލިއަނަރު ސަރުކާރުގެ ބޯހިޔާވަހިކަމުގެ ދަށުގައި ބަހައްޓައިގެން، އޭނާ މުދަލާއި ލާރި ހޯދިގޮތުގެ ތަހުގީގެއް ސަރުކާރުގެ ކަމާބެހޭ ފަރާތްތަކުން ކުރަމުން އެބަގެންދެއެވެ.