ޕާކިސްތާނުގެ ކަރާޗީގައި ހުންނަ ގުލް ޕްލާޒާ ޝޮޕިން މޯލް ގައި އަލިފާން ރޯވެ، އެތައް ބަޔަކު މަރުވެ، ގެއްލިއްޖެއެވެ.
ޕާކިސްތާނުގެ ކަރާޗީގައި ހުންނަ ގުލް ޕްލާޒާ ޝޮޕިން މޯލް ގައި ރޯވި އަލިފާންގަނޑު ނިއްވާލާފައި - މިހާދިސާގައި މަރުވި މީހުންގެ އަދަދު އިތުރުވާނެ ކަމަށް ބެލެވޭ
ގާތްގަނޑަކަށް 1،200 ފިހާރަ ހުންނަ އެ މޯލުގައި ހިނގި އަލިފާނުގެ ހާދިސާގައި މަރުވި މީހުންގެ ތެރެއިން މިހާތަނަށް 26 މީހެއްގެ ހަށިގަނޑު ފެނިފައިވާއިރު، އަނދައި ހުލިވެފައިވާ ތަންތަނުގެ ތެރެއިން އިތުރު ހަށިތައް ފެނި، މަރު މީހުންގެ އަދަދު އިތުރުވެދާނެ ކަމަށް ބެލެވޭ ކަމަށް ކަރާޗީ ފުލުހުން ބުނެއެވެ.
މި ހާދިސާގައި 80 އަށް ވުރެ ގިނަ މީހުން ވަނީ ވީނުވީ އެއް ނޭނގި ގެއްލިފައެވެ. މީގެ އިތުރުން މިހާތަނަށް ފެނުނު ގިނަ ހަށިގަނޑު ތަކަކީ ކޮން ބައެއްކަމެއް ދެނެގަނެވިފައި ނުވާ ކަމަށް ވެސް ކަރާޗީ ފުލުހުން ބުނެއެވެ.
