ވެނެޒުއެލާގެ ވަގުތީ ރައީސް، ކެބިނެޓާއި މަޝްވަރާ ކުރައްވަނީ
އެމެރިކާ ސަރުކާރާއި އެކު ސުލްހަވެރި ވުމަށާއި ކަންކަމުގައި އެއްބާރުލުން ދޭން ބޭނުންވާ ކަމަށާއި، މަޝްވަރާ ކުރުމަށް ބޭނުން ކަމަށް ވެނެޒުއެލާގެ ވަގުތީ ރައީސް ޑެލްސީ ރޮޑްރިގޭޒް ވިދާޅުވެއްޖެއެވެ.
މި ހަފްތާގެ ކުރީކޮޅު އެމެރިކާ ސިފައިން ރައީސް ނިކޮލަސް މަޑޫރޯ ހައްޔަރުކޮށްގެން ގެންދިޔުމުން، ސުޕްރީމް ކޯޓުގެ އަމުރާއި އެކު ނައިބު ރައީސް ރޮޑްރިގޭޒް ވަނީ ރައީސްކަމާއި ޙަވާލުވެފައެވެ.
އެކަމަނާ ވިދާޅުވީ ވެނެޒުއެލާއިން ބޭނުންވަނީ އެމެރިކާއާއި އަދި އެހެން ގައުމުތަކާއި އެކު ވެސް ބެލެންސްޑް އަދި އިހުތިރާމް ކުރަނިވި ގުޅުންތަކެއް ބޭއްވުން ކަމަށެވެ.
ރޮޑްރިގޭޒް ވިދާޅުވީ ވެނެޒުއެލާ އިން ބޭނުންވަނީ ޞުލްޙަ ކަމަށާއި، ހަނގުރާމަ އެއް ބޭނުން ނުވާ ކަމަށެވެ.
އެމެރިކާގެ ރައީސް ޑޮނަލްޑް ޓްރަމްޕް ވަނީ ވެނެޒުއެލާގެ ކަމާބެހޭ ފަރާތްތަކުން އެމެެރިކާ އަށް އެއްބާރުލުން ނުދީފިނަމަ އިތުރު ނުރައްކާތަކެއް ކުރިމަތިވާނެ ކަމުގެ އިންޒާރު ދެއްވާފައެވެ.
