ވެނެޒުއެލާ އަށް އައި ބާރުގަދަ ބިންހެލުންތަކުގައި މަރުވި މީހުންގެ އަދަދު 920 އަށް އަރާފައިވާކަން އެ ގައުމުގެ ގާނޫނުހަދާ މަޖިލީހުގެ ރައީސް ޚޯރްހޭ ރޮޑްރިގޭޒް ރަސްމީކޮށް ކަށަވަރުކޮށްދެއްވައިފިއެވެ.

އދ. ގެ ސަމާލުކަމަށް މި ހާދިސާ އައިސްފައިވާ ދަނޑިވަޅެއްގައި، ރިކްޓަރ މިންގަނޑުން 7.2 އަދި 7.5 ގެ ބާރުގަދަ ދެ ބިންހެލުމާ ގުޅިގެން ޒަޚަމްވި މީހުންގެ އަދަދު މިހާރު ވަނީ 3,360 އަށް ވުރެ މައްޗަށް ގޮސްފައެވެ.

ބިންހެލުމުގެ ސަބަބުން ވެރިރަށް ކަރަކާސް އާއި އެންމެ ބޮޑަށް އަސަރުކުރި ލާ ގުއައިރާ ސަރަހައްދުގެ ގިނަ އަދަދެއްގެ އިމާރާތްތައް ބިމާހަމަވެފައިވާއިރު، އިމާރާތްތަކުގެ ދަށުގައި 172 އަށް ވުރެ ގިނަ މީހުން އަދިވެސް ތާށިވެފައި ތިބި ކަމަށް ރަސްމީ އިދާރާތަކުން ބުނެއެވެ.