​އެމެރިކާގެ އަސްކަރިއްޔާއިން މި ޖަނަވަރީ މަހު ވެނެޒުއެލާގެ ކަރަކަރާސްގައި ހިންގި ޣައިރުޤާނޫނީ އޮޕަރޭޝަނެއްގައި ރަހީނުކޮށްގެން ގެންދިޔަ ވެނެޒުއޭލާގެ ކުރީގެ ރައީސް ނިކޮލަސް މަދޫރޯ ޖަލުގެ ގޮޅީގައި ހުއްޓާ ނަގާފައިވާ ފޮޓޯތަކެއް ފުރަތަމަ ފަހަރަށް ޢާންމުކޮށްފިއެވެ.

​މަސްތުވާތަކެތީގެ ވިޔަފާރިކުރުމާއި، ހަތިޔާރު ގެންގުޅޭކަމުގެ ތުހުމަތުގައި މަދޫރޯއާއި އޭނާގެ އަނބިކަނބަލުން ސީލިއާ ފްލޮރެސް ބަންދުކޮށްފައި ތިބީ ނިއު ޔޯކުގެ ބްރޫކްލިން ޖަލުގައެވެ. ރައީސް ޑޮނަލްޑް ޓްރަމްޕްގެ ސަރުކާރުން އުފުލާފައިވާ ތުހުމަތުތަކަށް މަދޫރޯ އާއި އޭނާގެ އަނބިކަނބަލުން ވެސް އިންކާރުކުރައްވައެވެ.

​މީސްމީޑިއާއާއި ޓެލެގްރާމް މެދުވެރިކޮށް އާއްމުކުރި ފޮޓޯތަކާއެކު ޝާއިއު ކުރެއްވި މެސެޖުގައި އޭނާ ވިދާޅުވީ، މިއީ އޭނާގެ ކާފަދަރިކަލުންނާއި، ވެނެޒުއޭލާގެ ކުޑަކުދިންނާއި، އެ ދެކަންބަލުން ދެކެ ލޯބިވާ ރައްޔިތުންނަށް ދެއްވި ހަދިޔާއެއް ކަމަށެވެ. އަދި ސާބިތުކަމާއި، މަޑުމައިތިރިކަމާއި، ހިތްވަރާއެކު ދެމިތިބޭނެ ކަމުގެ ޔަޤީންކަން ދެއްވައި، ވެނެޒުއޭލާ އަލުން އާރާސްތުކުރެވޭނެ ކަމުގެ ޔަޤީންކަން ދެއްވިއެވެ.

​އޮގަސްޓު 30 ގައި ޢާންމުކުރި ފޮޓޯތަކުން މަދޫރޯގެ ބަރުދަން ލުއިވެފައިވާކަމަށް މަސްރަހުގެ ދާރިސުން ބެނެއެވެ. މިއީ ވެނެޒުއޭލާއަށް އައި ބިންހެލުމުގެ އަނެއްދުވަސް ކަމަށްވާ ޖޫން 25 ގައި ނަގާފައިވާ ފޮޓޯތަކެއްކަން އެންގޭކަމުގައިވެސް އެމީހުން ބުނެއެވެ. މި ފޮޓޯތައް ޢާންމުކުރީ ވެނެޒުއޭލާގެ ތެޔޮވަޅުތަކުގެ ކޮންޓްރޯލް ހޯދަން އެމެރިކާއިން އެ ޤައުމުގެ ވަގުތީ ސަރުކާރާއެކު އެއްބަސްވުމެއް ހެދިތާ ދެ ދުވަސް ފަހުންނެވެ.

​ނިއު ޔޯކުގެ ޖަލުގައި ހުންނެވި މަދޫރޯއަށް އިންޓަނެޓް ބޭނުންނުކުރެވުނު ނަމަވެސް، މަހަކު 300 މިނެޓު (ކޯލަކަށް އެންމެ ގިނަވެގެން 15 މިނެޓު) ޢާއިލާއާއި ވަކީލުންނަށް ގުޅުމުގެ ފުރުޞަތު އޮވެއެވެ. ޢާންމުވި ފޮޓޯތަކުގެ ޞައްޙަކަން އެމެރިކާގެ އިދާރާތަކުން ކަށަވަރުކޮށްދީފައެއް ނުވެއެވެ. މަދޫރޯއާއި ފްލޮރޭސްގެ ޝަރީޢަތް ތާވަލުކޮށްފައިވަނީ ޖޫން 1، 2027 އަށެވެ.