ވެނެޒުއެލާގެ އިދިކޮޅު ލީޑަރު މާރިއާ ކޮރީނާ މަޗާދޯ އަށް މިދިޔަ އަހަރު ލިބުނު ދުނިޔޭގެ ޞުލްޙައިގެ އިނާމު އެމެރިކާގެ ރައީސް ޑޮނަލްޑް ޓްރަމްޕަށް ހަދިޔާ ކުރައްވައިފިއެވެ.

މިދިޔަ ފަހަރުގެ ނޮބެލް ޞުލްޙައިގެ މެޑަލް ހޯދުމަށް ޓްރަމްޕް ގިނަގުނަ މަސައްކަތްތަކެއް ކުރެއްވި ނަމަވެސް އޭނާ އަކަށް އެކަން ކާމިޔާބެއް ނުވިއެވެ.

ވޮޝިންޓަނުގެ ވައިޓްހައުސްގައި އިއްޔެ، ވެނެޒުއެލާ އަށް އަންނަމުންދާ ސިޔާސީ ބަދަލުވުންތަކަށް ބައިނަލްއަޤްވާމީ ތާއީދު ހޯދުމަށް ކުރާ މަސައްކަތުގެ ތެރެއިން ޓްރަމްޕް ވަމޯ މަޗާދޯ އާއި ބައްދަލުކުރައްވާފައެވެ. ޓްރަމްޕް ބޭނުން ވަނީ ވެނެޒިއެލާގެ ރައީސަކަށް މަޗާދޯ ގެނައުމަށެވެ.

މި ބައްދަލުވުމަށްފަހު ނޫސްވެރިންނާ ވާހަކަ ދައްކަވަމުން މަޗާދޯ ވިދާޅުވީ ރައީސް ޓްރަމްޕަށް ނޮބެލް ޞުލްޙައިގެ އިނާމު މެޑަލް ހަދިޔާ ކުރެއްވި ކަމަށެވެ. ނަމަވެސް އެކަން ޓްރަމްޕް ޤަބޫލުކުރެއްވި ކަމެއް އޭނާ ވޮދާޅެއް ނުވެއެވެ.

މަޗާދޯ ވިދާޅުވި ގޮތުގައި ޓްރަމްޕާއެކު މަޝްވަރާކުރީ ވެނެޒުއެލާގެ ކުރިމަގު ބައްޓަން ކުރާނެ ގޮތަކާއި މެދުގައެވެ.

މަޗާޑޯ މީގެކުރިން ވިދާޅުވެފައި ވަނީ އޭނާގެ ނޮބެލް ޞުލްޙައިގެ އިނާމަކީ ވެނެޒުއެލާގެ ރައްޔިތުންނަށާއި އޭނާގެ މަސައްކަތަށް ތާއީދުކުރި ފަރާތްތަކުގެ އެއްޗެއް ކަމަށެވެ..