އާއަހަރު އެންމެ ކުލަގަދަކޮށް ފާހަގަކުރީ ދުބާއީގައި

^{ސިޑްނީ ހާބަރ ބްރިޖްގައި މިރޭ އޮތް ހަވާ އެރުވުން}

2026 ވަނަ އަހަރުގެ ފެށުން ފާހަގަ ކުރުމުގެ ގޮތުން މިރޭ ދުބާއީ ގައި ގިނިސް ވޯލްޑް ރެކޯޑްތަކުގެ އެތައް ރެކޯޑެއް މުގުރާލައި ކުލަ ގަދަ ހަފްލާތަކެއް ބާއްވައިފިއެވެ،

މެދުނުކެނޑި 62 މިނެޓް ވަންދެން ހަވާ އެެރުވިއިރު، ކަޓިން އެޖް ލޯންޗް އަދި ވިޝުއަލް ސިންކްރޮނައިޒޭޝަން ޓެކްނޮލޮޖީތައް ބޭނުންކޮށްގެން ބުރުޖް ޚަލީފާ، ބުރުޖް އަލް އަރަބް، ދުބާއީ ފްރޭމް، އެކްސްޕޯ ސިޓީ ދުބާއީ، **ގްލޯބަލް ވިލެޖް، އަދި އެޓްލާންޓިސް ދަ ޕާމް ފަދަ މަޝްހޫރު ހުރިހާ ތަނެއްގައި ވަރަށް ފޯރިގަދަ ރަސްމިއްޔާތުތައް އޮތެވެ.

^{ދުބާއީގައި މިރޭ ކުރިޔަށްދިޔަ ޑްރޯންޝޯ އާއި ހަވާ އެރުވުމުގެ ކުޅިވަރުތަކުގެ ތެރެއިން.}

ދުބާއީގެ 40 ތަނެއްގައި އެއްފަހަރާ 48 ހަވާ އެރުވުމުގެ ޝޯ ބޭއްވިއިރު މަންޒަރު ބަލަން ބޭނުންވާ ފަރާތްތަކަށް އެ މަންޒަރުތައް ދެއްކުމުގެ އިންތިޒާމުވެސް ހަމަޖައްސާފައި ވަނީ ވަރަށް ފުރިހަމައަށެވެ. މީހުންނަށް މަންޒަރުތައް ރީއްޗަށް ދެއްކުމުގެ އިންތިޒާމް ހަމަޖެއްސުމަށް ވެސް 10،000 ސެކިއުރިޓީ އޮފިސަރުން ތިއްބެވެ.

^{މިރޭ ބެންކޮކުގައި އާއަހަރު ފާހަގަކުރުމަށް ބޭއްވި ޙަރަކާތްތަކުގެތެރެއިން}

^{މިރޭ ސިންގަޕޫރުގައި އާއަހަރު ފާހަގަކުރުމަށް ބޭއްވި ޙަރަކާތްތަކުގެތެރެއިން}

ރޭގެ ބޮޑު ޑްރޯން ޝޯގައި 20 މިނިޓް ވަންދެން 6،500 ޑްރޯން، ދުބާއީގައި އެއްފަހަރާ ހަރަކާތްތެރިވިއެވެ.

ދުބާއީގައި ރޭ ބޭއްވި ހަރަކާތަކީ 2026 ވަނަ އަހަރު ފާހަގަ ކުރުމަށް މުޅި ދުނިޔޭގައި ވެސް ބޭއްވި އެންމެ ކުލަގދަ ރަސްމިއްޔާތެވެ.