ތޫފާން ދިތުވާގައި ފަނާވެފައިވާ އަވަށްޓެރި ސްރީލަންކާ އަށް އެހީ ވުމަށް 37 މީޑިއާއެކު އިއްޔެ ހެނދުނު 9:00 އިން ފެށިގެން ކުރިޔަށް ގެންދިޔަ މިއޮށް ބޮޑު ޓެލެތޯން ނިންމާލާއިރު މޯލްޑިވްސް ޑިމޮރެޓިކް ޕާޓީ (އެމްޑީޕީ) އިން އެންމެ ފައިސާ ފޮއްޗެއް ވެސް ނުދިނެވެ.

މިއަދު ހާލުގައި ޖެހިފައިވާ ލަންކާ އަކީ އެމްޑީޕީގެ ވެރިކަމުގައި ރާއްޖެއަށް ބޭރުފައިސާގެ ދަތިކަން އޮތް އިރު 10 މިލިއަން އެމެރިކާ ޑޮލަރުގެ ލައިން އޮފް ކްރެޑިޓް އެއް ދިން ގައުމެކެވެ. މީގެ އިތުރުން 17 ވަނަ ސާކް ސަމިޓް ރާއްޖޭގައި ބޭއްވުމަށް އެމްޑީޕީގެ އޭރުގެ ސަރުކާރުން ލަންކާގައި އެދުމުން އައްޑޫ ސިޓީ ގައި ހަ ކިލޯމީޓަރުގެ މަގެއް ހެދުމަށް ލަންކާ ރައްޔިތުންގެ ފަރާތުން ވަނީ އެމްޑީޕީގެ ސަރުކާރަށް ސަޕޯޓް ވެސް ދީފައެވެ. ނަމަވެސް، މިއަދު އެ ރައްޔިތުން ހާލުގައި ޖެހުމުން ރާއްޖެއިން ބޭއްވި މި ބޮޑު ޓެލެތޯނަށް އެމްޑީ ސަރުކާރުން "އަހަރުމެންނަށް ކޮން ކަމެއް ހޭ" ބުނި ކަހަލައެވެ.

ސިޔާސީ ޕާޓިތަކަށް ފައިސާ ދިން އިރު އިލެކްޝަންސް ކޮމިޝަނުން އެމްޑީޕީ އަށް 8,454,780.50 ރުފިޔާ ދިން އިރު އެ ޕާޓީގެ ފަރާތުން ލަންކާގައި ދިރިއުޅޭ އެކުވެރި އަހުންނާއި އުހްތުން އަދި ކުޑަކުދިންނާއި އަންހެނުންނާއި އުމުރުން ދުވަސްވީ މީހުންނަށް ޖެހިފައިވާ ދަތި ހާލުގައި ބައިވެރިވާކަށް ނޫޅުނެވެ.

ރާއްޖޭގެ ބޮޑު ޓެލެތޯނުގައި އެމްޑީޕީން ބައިވެރި ނުވިޔަސް، އިހްސާންތެރިކަން ހުރި ދިވެހި ރައްޔިތުންގެ ފަރާތުން ވަނީ މިހާތަނަށް 11،415،920.6 ރުފިޔާ ދީފައި ކަން ފާހަގަ ކުރެވެއެވެ. އޭގެ ތެރޭގައި 10،743،125.84 ރުފިޔާ އަދި 43,631.31 ޑޮލަރު ހިމެނެއެވެ.