ހުޅުމާލެ އޯސީސީ ކައިރީގައި ހުންނަ ގެސްޓްހައުސްއެއްގެ ތެރޭގައި މީހަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނެފައިވަނީ ހުޅުމާލެ ފޭސް 1 ގައި ހުންނަ ގެސްޓް ހައުސްއެއްގެ ރޫމެއް ތެރޭގައި މަރުވެފައިވާ މީހަކު ފެނިގެން މިއަދު މެންދުރުފަހު 12:14 ހާއިރު ފުލުހުންނަށް ރިޕޯޓު ކޮށްފައިވާ ކަމަށާއި އެ ސަރަހައްދުގައި ފުލުހުން ހަރަކާތްތެރިވާ ކަމަށެވެ.
ގެސްޓްހައުސްތެރޭ މަރުވެފައި އޮއްވާ ފެނިފައިވަނީ ފިރިހެނެކެވެ. ނަމަވެސް އެއީ ދިވެއްސެއް ކަމެއް ބިދޭސީއެއް ކަމެއް ސާފެއް ނޫނެވެ.
ފުލުހުން ބުނީ މިކަމާ ގުޅިގެން ބަލަންޖެހޭ ކަންކަން ބަލަމުންދާ ކަމަށާއި މައުލޫމާތު ލިބޭ ވަރަކުން ހިއްސާ ކުރާނެ ކަމަށެވެ.
