ވެނެޒުއެލާގެ ވައިގެ ސަރަޙައްދު ބަންދު ކަމަށް ބުނެ އެމެރިކާގެ ރައީސް ޑޮނަލްޑް ޓްރަމްޕް އިންޒާރު ދެއްވުމާއި ގުޅިގެން ބޮޑު 6 އެއާލައިނަކުން ވެނެޒުއެލާހެ މަތިން ދަތުރުކުރުން ހުއްޓާލައި، 40 ފުލައިޓެއް މިސްރާބު ބަދަލުކޮށްފިއެވެ.

އެމެރިކާ އާއި އެކު ހިނގަމުންދާ ކޯޅުމުގެ ސަބަބުން ހަނގުރާމައެއްގެ ބިރު އުފެދިފައިވާ ވެނެޒުވެނެޒުއެލާގެ މަތިން ދަތުރުކުރުން ހުއްޓައިލި ބައިނަލްއަޤްވާމީ ބޮޑެތި އެއާލައިންތަކުގެ ތެރޭގައި ޓާކިޝް އެއާލައިން، އައިބީރިއާ، ޓެޕް އެއާ ޕޯޗުގަލް، އެވިއަންކާ، ލަޓަމް އަދި ޖީއޯއެލް ހިމެނެއެވެ.

ޓްރަމްޕް ވިދާޅުވީ ވެނެޒުއެލާ ގެ ވައިގެ ސަރަޙައްދު "މުޅިން ބަންދު" ކަމަށެވެ. ވެނެޒުއެލާއިން އެޤައުމުގެ ވައިގެ ސަރަޙައްދެއް ބަންދެއް ނުކުރެއެވެ. އެހެންކަމުން، ޓްރަމްޕް އެގޮތަށް ވިދާޅުވުމަކީ އިންޒާރެއް ކަމަށް ބަލައި އެއާލައިންތަކުން ދަތުރުތައް ހުއްޓައިލީ ކުރިމަތިވެދާނެ ނުރައްކާތެރި ޙާދިސާއަކަށް ބަލައި ދުރާލާ ރައްކާތެރިކަމުގެ ފިޔަވަޅު އެޅުމަށެވެ.

ވެނެޒުއެލާގެ ވައިގެ ސަރަޙައްދު ބަންދު ކުރުމުގެ ޤާނޫނީ ބާރު އޮތީ ހަމައެކަނި ވެނެޒުއެލާއަށެވެ. ނަމަވެސް، ޓްރަމްޕްގެ އިންޒާރުގެ ސަބަބުން އެ ސަރަޙައްދު ވަނީ ހައި އެލާޓަށް ގެނެސްފައެވެ.

ވެނެޒުއެލާގެ ސަރުކާރުން ބުނީ، ވައިގެ ސަރަޙައްދު އޮތީ ހުޅުވާފައި ކަމަށާއި، މި ސަރަޙައްދު ބަންދު ކަމަށް ބުނެ އެމެރިކާ އިން ކުޅޭ ކުޅިވަރަކީ ޣައިރުޤާނޫނީ ޢަމަލެކެވެ.

ނަމަވެސް ބައެއް އެއާލައިންތަކުން ވެނެޒުއެލާގެ ވައިގެ ސަރަޙައްދު ބޭނުން ކުރުމަށް މިހާރު ބިރު ގަނެއެވެ.