ވެނެސާ ހަޖެންސް އަށް ދެވަނަ ދަރިއަކު ލިބިއްޖެ

އައިޝަތު ރުވާ ރިފްޢަތު | 17 ގަޑިއިރު ކުރިން - 30 ނޮވެންބަރު 2025 10:03
ވިހެއުމަށްފަހު ވެނެސާ އިންސްޓަގްރާމްގައި ހިއްސާކުރި ފޮޓޯ.
ވިހެއުމަށްފަހު ވެނެސާ އިންސްޓަގްރާމްގައި ހިއްސާކުރި ފޮޓޯ.
ޚުލާސާ

ދެވަނަ ދަރިއަށް ބަނޑުބޮޑުވީ ގާތްގަނޑަކަށް އޭނާގެ ފުރަތަމަ ދަރިއަށް އެއް އަހަރު ވީތަނާ. ހަޖެންސް އެންމެ ފުރަތަމަ މަޝްހޫރުވެފައިވަނީ "ހައި ސްކޫލް މިއުޒިކަލް" މި މޫވީިއިން.

އެމެރިކާގެ އެކްޓަރު އަދި ލަވަކިޔުންތެރިޔާ ވެނެސާ ހަޖެންސް ދެވަނަ ދަރިއަކު ވިހައިފި އެވެ. އޭނާ މިކަން އިއުލާނުކޮށްފައިވަނީ އިންސްޓަގްރާމުގައި ވިހައިގެން އޮވެ ފޮޓޯއެއް ހިއްސާ ކުރަމުންނެވެ.

އުމުރުން 29 އަހަރުގެ ވެނެސާ އިންސްޓަގްރާމުގައި ލިޔެފައިވަނީ "ވެލް... އަހަރެން އެކަން ކޮށްފިން. އިތުރު ބޭބީއެއް ލިބިއްޖެ! "ވިހެއުމަކީ ހާދަހާ ވޭން ހުރި ކަމެކޭ.. ހުރިހާ މަންމަ މެންވެސް އެ އަޅާ ވޭނަށް ތައުރީފު ކުރަން.. އަހަރެމެންގެ ހަށިގަނޑުން ކުރެވޭ ކަންތައްތައް ވަރަށް ތަފާތު." މިހެންނެވެ.

އޭނާގެ މި ޕޯސްޓަށް ހެޔޮ އެދޭ ރަށްޓެހިންނާއި މަޝްހޫރު ސެލެބްރިޓީން ހެޔޮއެދުންތައް ހިއްސާ ކޮށްފައިވެ އެވެ. އޭގެ ތެރޭގައި ޒޯއީ ޑޮޗް އާއި މާރިއޯ ލޮޕޭޒް ވެސް ވަނީ އެ މީހުންގެ ލޯތްބާއި ހެޔޮއެދުންތައް ފާޅުކޮށްފަ އެވެ.

ހަޖެންސް އާއި އޭނާގެ ފިރިމީހާ ރިޓަޔަޑް ކޯލް ޓަކާ، އެ ދެމީހުންގެ ދަރިއަކަށް ހަޖެންސް ބަނޑުބޮޑުކަން އެންމެ ފުރަތަމަ އިންސްޓަގްރާމްގައި ހިއްސާކުރީ ކުރީ މިދިޔަ ޖުލައި މަހުގެ 12 ވަނަ ދުވަހު އެވެ. އެއީ ގާތްގަނޑަކަށް އޭނާގެ ފުރަތަމަ ދަރިއަށް އެއް އަހަރު ވީތަނާ އެވެ. އަދި އެއީ ކޯލް ޓަކާގެ 29 ވަނަ އުފަންދުވަހާ ދިމާކޮށް އިންސްޓަގްރާމްގައި އޭނާ ޕޯސްޓެއް ކުރިތާ ހަފުތާއެއް ފަހުންނެވެ. އޭގެ ފަހުން ބަނޑުބޮޑުވެފައިވާ ފޮޓޯތައް އޭނާ އަންނަނީ ދޭތެރެ ދޭތެރެއިން ހިއްސާ ކުރަމުންނެވެ.

ވެނެސާ ބަނޑުބޮޑުއިރުގެ ފޮޓޯއެއް.

ހަޖެންސް އެންމެ ފުރަތަމަ މަޝްހޫރުވެފައިވަނީ "ހައި ސްކޫލް މިއުޒިކަލް" މި މޫވީ އިންނެވެ. އަދި އެ މޫވީގައި ޒެކް އެފްރޯންއާ އެކު އޭނާ ޕާފޯމް ކުރި "ބްރޭކިން ފްރީ" މި ލަވައަކީ ވެސް އޭނާ މަޝްހޫރުކަން ހޯދި ލަވައެކެވެ.

ހައި ސްކޫލް މިއުޒިކަލްގައި ވެނޭސާ އާއި ޒެކް އެފްރޮން "ބްރޭކިން ފްރީ" ލަވައިގައި ޕާފޯމް ކުރަނީ.

ހައި ސްކޫލް މިއުޒިކަލްގެ ތިން ބައެއް ރިލީޒް ކޮށްފައިވެ އެވެ. ފުރަތަމަ ބައި 2006 ވަނަ އަހަރު، ދެވަނަ ބައި 2007 ވަނަ އަހަރު އަދި ތިން ވަނަ ބައި 2008 ވަނަ އަހަރުގަ އެވެ. މީގެ އިތުރުން ވެސް ގިނަ ފިލްމުތަކެއް އޭނާ ކުޅެފައިވެ އެވެ. އެންމެ ފަހުން ފިލްމެއް ކުޅެފައިވަނީ ނިމިދިޔަ އަހަރު ރިލީޒްކުރި ބޭޑް ބޯއީސް އާއި ފްރެންޗް ގާލް މި ދެ ފިލްމެވެ. މިއަހަރު ވެސް އޭނާ ވަނީ "ކުއައިޓް ސްޓޯމް" ނަމަކަށް ކިޔާ ފިލްމެއްގައި އެކްޓް ކޮށްފަ އެވެ. ނަމަވެސް އެ ފިލްމް ރިލީޒް ކުރާނެ ދުވަހެއް އަދި އާންމުކޮށްފައެއް ނުވެ އެވެ.

TelegramTwitterYoutubeTiktokViberFacebookInstagram

0 ރިއެކްޝަންސް / 0 ކޮމެންޓް

0%
0%
0%
0%
0%