ދުނިޔޭގެ މޫސުމަށް ހީ ވެސް ނުކުރާހާ ބޮޑެތި ބަދަލުތަކެއް އަންނަނީއެވެ. މިއަދު ސަރަޙައްސުގެ ޤައުމުތަކުން ފެންނަމުންދާ މަންޒަރުތަކަށް ބަލާއިރު، ލަންކާ އެ އޮތީ ފެނުއަޑީގައެވެ. ތައިލެންޑުވެސް އެ އޮތީ ފެނު އަޑީގައެވެ. އިހަށްދުވަހު އިންޑިއާ އާއި ޕާކިސްތާނާއި އަފްޣާނިސްތާނެވެ.

މި ޤުދުރަތީ ކާރިޘާ ތަކުގެ ތެރެއިން ތައިލެންޑުގެ ހަތު ޔާއިއަށް މި މަހުގެ 21ވަނަ ދުވަހު އެކަނި ވެސް 335 މިލިމީޓަރުގެ ވާރޭ ވެހުނެވެ. ފާއިތުވި 300 އަހަރުގެ ތެރޭގައި ވެސް އެއް ދުވަހުގެ ތެރޭގައި އެހާ ބޯކޮށް އެ ސިޓި އަށް ވާރޭ ވެހިފައެއް ނުވެއެވެ. ހުއްޓުމެއް ނެތި ވެހުނު ވާރޭ ތިންދުވަހަށް ދެމިގެން ދިޔައިރު 630 މިލިމީޓަރުގެ ވާރޭ ވެހުނެވެ.

މި ޤުދުރަތީ ކާރިޘާ ތަކުގައި މިހާތަނަށް ތައިލެންޑްގެ 80 އަށް ވުރެ ގިނަ މީހުން މަރުވެ ތިންމިލިއަނަށް ވުރެ ގިނަ މީހުން ޙާލުގައި ޖެހުނުއިރު ބައެއް ހިސާބުތަކުގެ ފެންގަނޑު ހުރީ އިސްކޮޅަށް ވުރެ މަތީގައެވެ. 8 ފޫޓަށް ވުރެ މަތީގައެވެ.

^{ތައިލެންޑަށް ކުރަމުންދާ ވިއްސާރަ އާއި ގުޅިގެން މުދާތައް ސަލާމަތް ކުރުމަށް މީހަކު ބޮއްކުރައެއްގައި: ތައިލެންޑުގެ ބައެއް ހިސާބުތަކުގައި 8.2 ފޫޓަށް ފެން ބޮޑުވެފައިވޭ}

އަނެއްކޮޅުން މިއަދު ލަންކާ އަށް ވެހެމުންދާ ވާރޭގައި 500،000 މީހުންނަށް އަސަރު ކޮށްފައި ވެއެވެ. އަދި 70 އަށް ވުރެ ގިނަ މީހުން މަރުވެއްޖެ ކަމަށް ލަފާ ކުރެވެއެވެ.

^{ލަންކާ އަށް ކުރަމުންދާ ވިއްސާރައިގައި މަތިން ނަގާފައިވާ ފޮޓޯއެއް.}

ލަންކާ އަށް ވެސް މި ފަހުގެ ތާރީޚުގައި ފުރަތަމަ ފަހަރަށް މޫސުމީ ރެޑް އެލާޓް ނެރުނު އިރު، މިއަދު ކުރިމަތިލައިގެން މި އުޅެނީ މުޅި މި ސަރަޙައްދަށް އެތައް ޒަމާނަކަށް ފަހު ކުރިމަތިލައިގެން އުޅޭ އިލާހީ ކާރިޘާ އަކާއިއެވެ.