އައިލެންޑު އޭވިއޭޝަނުން އެ ކުންފުނީގެ ދަށުން ހިންގާ މޯލްޑިވިއަންގެ ބޯޓުތަކަށް ކެބިން ކުރޫއިން ހޯދަން އިއުލާނު ކޮށްފި އެވެ.

ރާއްޖޭގެ ގައުމީ އެއާލައިނަށް ކެބިން ކުރޫއިން ހޯދަން އިއުލާނު ކޮށްފައިވަނީ އިއްޔެގަ އެވެ. އެ ކުންފުނީގެ އިއުލާނުގައި ވާގޮތުން އިންޓަވިއުއަކީ ވޯލްކް-އިން އިންޓަވިއުއެކެވެ.

އިއުލާނުގެ މުއްދަތު އަންނަ މަހު 10 ގައި ހަމަވާއިރު މި މަގާމަށް ހުށަހެޅޭނެ ޝަރުތުތަކާއި އިނާޔަތްތަކުގެ އިތުރުން ފޯމާއެކު ހުށަހަޅަންޖެހޭ ތަކެތި ވެސް އިއުލާނުގައި ބަޔާންކޮށްފައިވެ އެވެ. ޝައުގުވެރިވާ ފަރާތްތަކުން ފޯމު ހުށަހަޅަން ޖެހޭނީ މާލޭގައި ހުންނަ އެސްޓީއޯގެ ޓްރެއިނިން ސެންޓަރުގެ 4 ވަނަ ފަންގިފިލާގައި ހުންނަ އައިލެންޑް އޭވިއޭޝަން އޮފީހަށެވެ.

އެ ކުންފުނީގެ ވެބްސައިޓަށް ވަދެ އޮންލައިންކޮށް ވެސް ފޯމު ހުށަހެޅޭނެ އެވެ.

https://careers.maldivian.aero/Jobs

މީގެ އިތުރުން ވެސް އައިލެންޑް އޭވިއޭޝަނުން ވަނީ ވަޒީފާގެ ފުރުސަތުތަކަށް ހުޅުވާލާފަ އެވެ. އޭގެ ތެރޭގައި؛

1. ޑިސްޓްރިބިއުޝަން އެންޑް އީ-ކޮމާސް ލީޑް
2. ނެޓްވޯކް ޕްލޭނިން އެންޑް ޝެޑިއުލިން ލީޑް
3. ޖެނެރަލް މެނޭޖަރު (ސޭފްޓީ، ސެކިއުރިޓީ އެންޑް ކޮމްޕްލިއަންސް)
4. ރިޒަވޭޝަން އެންޑް ޓިކެޓިން އެޖެންޓް
5. ޖެނެރަލް މެނޭޖަރު (ގްރައުންޑް އޮޕަރޭޝަންސް - ސީޕްލޭން) މިއެވެ.

އައިލެންޑް އޭވިއޭޝަނުން ދަނީ އެ ކުންފުނިން ކުރިން ބޭނުން ކުރަމުން އަންނަ ޑޭޝް 8 މަރުކާގެ ބޯޓުތަކުގެ ބަދަލުގައި އޭޓީއާރުގެ އެއާކްރާފްޓުތައް ގެންނަމުންނެވެ. ނިމިދިޔަ އަހަރު އެ ކުންފުނިން ވަނީ އޭ 330 މަރުކާގެ ބޯޓެއް ވެސް ގެނެސްފަ އެވެ.