ފަތުރުވެރިކަން ތަރައްގީކުރުމަށް ބީލަމުގެ އުސޫލުން ކުއްޔަށް ދޫކުރުމަށް ކަނޑައަޅާފައިވާ ރަށްރަށާއި ފަޅުތަކުގެ ތެރެއިން 13 ރަށެއްގައި ރިސޯޓު ތަރައްގީކުރާނެ ބަޔަކު ހޯދަން ޓޫރިޒަމް މިނިސްޓްރީން އިއުލާނުކޮށްފި އެވެ.

ރިސޯޓު ތަރައްގީކުރަން 13 ރަށެއް ވެސް ބީލަމަށް ވަނީ ހުޅުވާލާފައެވެ. އެއީ،

1. ހއ. މާދުނި ފަރު 1: 200 ހެކްޓަރު (2.1 މިލިއަން ޑޮލަރު)
2. މާދުނި ފަރު 2: 200 ހެކްޓަރު (2.1 މިލިއަން ޑޮލަރު)
3. މާދުނި ފަރު 3: 200 ހެކްޓަރު (2.1 މިލިއަން ޑޮލަރު)
4. ހއ. ކެލާ ފަޅު 1: 156.2 ހެކްޓަރު (1.9 މިލިއަން ޑޮލަރު)
5. ހއ. ކެލާ ފަޅު 2: 169.3 ހެކްޓަރު (2 މިލިއަން ޑޮލަރު)
6. ހދ. މަކުނުދޫ ފަރު 1: 200 ހެކްޓަރު (1.5 މިލިއަން ޑޮލަރު)
7. ހދ. މަކުނުދޫ ފަރު 2: 200 ހެކްޓަރު (1.5 މިލިއަން ޑޮލަރު)
8. ހދ. މާފަރު ފަރު 1: 200 ހެކްޓަރު (1.5 މިލިއަން ޑޮލަރު)
9. ހދ. މާފަރު ފަރު 2: 200 ހެކްޓަރު (1.5 މިލިއަން ޑޮލަރު)
10. ހދ. މާފަރު ފަރު 3: 200 ހެކްޓަރު (1.5 މިލިއަން ޑޮލަރު)
11. ށ. ގޮނާ ފަރު 1: 200 ހެކްޓަރު (2.1 މިލިއަން ޑޮލަރު)
12. ށ. ގޮނާ ފަރު 2: 200 ހެކްޓަރު (2.1 މިލިއަން ޑޮލަރު)
13. ށ. ގޮނާ ފަރު 3: 200 ހެކްޓަރު (2.1 މިލިއަން ޑޮލަރު)

މީގެން ކޮންމެ ރަށެއްގައިވެސް ތަރައްގީކުރަނީ 150 އެނދެެވެ. އަދި ރިސޯޓު ތަރައްގީކުުރުމަށް ބިން ހިއްކޭނެ އެވެ.

މިނިސްޓްރީން ބުނީ، އެ ރަށްތަކުގައި ރިސޯޓު ތަރައްގީކުރަން ބޭނުންވާ މީހުންނަށް ޑިސެމްބަރު 9 އަކާއި އަންނަ ޖަނަވަރީ 6ގައި އޮންލައިންކޮށް ބާއްވާ ބައްދަލުވުމުގައި ބައިވެރިވެގެން ބީލަމަށް ހުށަހެޅޭނެ ކަމަށެވެ.

އެ ބައްދަލުވުމުގައި ބައިވެރިވުމަށް އަންނަ މަހު 8 އަދި އަންނަ ޖެނުއަރީ 5 ވަނަ ދު ވަހުގެ 12:00ގެ ކުރިން ނަމާއި އީމެއިލް އެޑްރެސް އަދި ފޯނު ނަންބަރު މިނިސްޓްރީއަށް މެއިލް ކުރަން ޖެހެއެވެ.

ބީލަން ހުށަހެޅުމުގެ ސުންގަޑިއަކީ އަންނަ ފެބްރުއަރީ ތިންވަނަ ދުވަހުގެ 09:00ގެ ކުރިންނެވެ.