ޔުކްރޭނު ހަނގުރާމަ އާއި ގުޅިގެން ޔޫރަޕާއި އެމެރިކާގެ އިތުރުން ޖަޕާނުން ހިފަހައްޓާފައިވާ ރަޝިޔާގެ 335 ބިލިއަން ޑޮލަރުގެ ތެރެއިން ޔޫރަޕަށް ހަތިޔާރު ގަތުމަށާއި، އަދި ޔުކްރޭނު އާރާސްތު ކުރުމަށް ނިންމައި، އޭގެތެރެއިން 100 ބިލިއަން ޑޮލަރުގެ އިންވެސްޓްމެންޓުގެ ފައިދާ އިން ދެބައިކުޅަ އެއްބައި އެމެރިކާ އަށް ލިބޭ ގޮތަށް މަޝްވަރާ ކޮށްފިކަން ލީކު ވެއްޖެއެވެ. ލީކު ވި މަޢުލޫމާތުން އެނގޭ ގޮތުގައި ޔޫރަޕުން ހިފެހެއްޓި ރަޝިޔާގެ ފައިސާއިން ޔުކްރޭނު އާރާސްތު ކުރުމަށް ދޭނީ އެއިން ބައިކުޅަބެއެކެވެ.
އެމެރިކާ އިން ހިފަހައްޓާފައި ވަނީ ރަޝިޔާގެ 5 ބިލިއަނެއްހާ ޑޮލަރެވެ. އެންމެ ގިނައިން ހިފަހައްޓާފައި ވަނީ ބެލްޖިއަމް އިންނެވެ. އެއީ ގާތްގަނޑަކަށް 210 ބިލިއަން ޔޫރޯއެވެ. ޖަޕާނުގެ އަތުގައި ހުރީ ރަޝިޔާގެ ގާތްގަނޑަކަށް 58 ބިލިއަން ޑޮލަރެވެ.
ލީކުވި މަޢުލޫމާތުން އެނގޭ ގޮތުގައި ބެލްޖިއަމް މެދުވެރިވެ ހިފެހެއްޓި ރަޝިޔާގެ ފައިސާއިން މިހާރު ވެސް ޔޫރަޕުން ވަނީ އެމެރިކާ އިން ހަތިޔާރު ގަނެފައެވެ. އަދި ޔުކްރޭނު އާރާސްތު ކުރުމަށް ޔޫރަޕުން ދޭން ނިންމާފައި ވަނީ 100 ބިލިއަން ޑޮލަރެވެ.
Advertisement
ރަޝިޔާ-ޔުކްރޭނު ހަނގުރާމަ ހުއްޓާލުމަށްޓަކައި އެމެރިކާ އިން މިހާރު ހަދާފައިވާ ޕްލޭނުގެ ދެލިކޮޕީގެ ބައެއް ވެސް ވަނީ ލީކުވެފައެވެ. މި ދެލިކޮޕީގައި ވެސް ޔޫރަޕާއި އެމެރިކާއިން ހިފަހައްޓާފައިވާ ރަޝިޔާގެ ފައިސާތަކުގެ ތެރެއިން ކުޑަ މިންވަރެއް ޚަރަދުކުރާނީ ޔުކްރޭނު އާރާސްތު ކުރުމަށް ކަމަށް ބުނެފައި ވެއެވެ. އަދި އޭގެތެރެއިން 100 ބިލިއަން ޑޮލަރުގެ 50 ޕަސަންޓުގެ ފައިދާ އެމެރިކާ އަށް ލިބޭނެ ކަމަށް ބަޔާން ކޮށްފައި ވެއެވެ. މި ޑްރާފްޓުގައި ވާ ގޮތުން ވެސް ސަތޭކަ ބިލިއަން ޑޮލަރު ޔޫރަޕުން ވެސް އިންވެސްޓް ކުރާނެ ކަމަށް ވެއެވެ.
މީގެ އިތުރުން ޔޫރަޕުން ރާވާފައި ވަނީ ފްރީޒް ކޮށްފައިވާ ރަޝިޔާގެ ފައިސާއިން ހަތިޔާރުތައް ގަނެ ލޯނު އުޞޫލުން ޔުކްރޭނަށް ދިނުމަށެވެ. ނަމަވެސް އެ ހަތިޔާރުތަކަކީ ރަޝިޔާގެ އެންމެ އެތެރެއަށް ފޯރާވަރުގެ ހަތިޔާރެއް ނޫނެވެ.
ޔުކްރޭނުން ބުނަނީ މި ޕްލޭނުގައި ބަޔާންކުރެވިފައިވާ ޢަދަދުތަކުން ވެސް އެ ޤައުމު އާރާސްތެއް ނުކުރެވޭނެ ކަމަށާއި، ޔުކްރެއިން ބިނާކުރުމަށް ޖުމްލަ 524 ބިލިއަން ޑޮލަރު ބޭނުންވާނެ ކަމަށެވެ.
ޓްރަމްޕް ބޭނުންވަނީ ބައިޑެންގެ ވެރިކަމުގައި ނޭޓޯ މެދުވެރިވެ ޔުކްރޭނު ލައްވައި ރަޝިޔާ އާއި ދެކޮޅަށް ކުރަމުންދާ ހަނގުރާމަ ހުއްޓާލުމަށެވެ.
ބެލެވޭ ގޮތުގައި ނޭޓޯއިން މި ހަނގުރާމައަށް ސަޕޯތް ދިނުން ހުއްޓައިލިޔަސް، ޔޫރަޕުން މި ކަމުގައި ދޫދިނުމަކީ ފަސޭހަ ކަމަކަށް ނުވާމެއެވެ. ޚާއްޞަކޮށް ޖަފުމަނާއި ފުރާންސް ފަދަ ބާތުތަކުން ނޭޓޯ އާއި ނުބައްސަވައި ޔުކްރޭނު ލައްވައި ރަޝިޔާ އަށް ޖެއްސުން ކުރުމަށް މަސައްކަތް ކޮށްފާނެއެވެ.
