ޗައިނާއިން ރާއްޖެއަށް ޒިޔާރަތްކުރި ފަތުރުވެރިންގެ އަދަދު ތިން ލައްކައަށް އަރައިފި އެވެ.
ޓޫރިޒަމް މިނިސްޓްރީން އާންމުކުރި ތަފާސް ހިސާބުތަކުން ދައްކާ ގޮތުގައި، ރާއްޖެއަށް މި އަހަރުގެ މިހާތަނަށް ޒިޔާރަތް ކުރި ފަތުރުވެރިންގެ އަދަދު މިހާރު ވަނީ 1.8 މިލިއަނަށް އަރައިފަ އެވެ. އޭގެ ތެރެއިން ރާއްޖެއަށް އެންމެ ގިނައިން ޒިޔާރަތްކުރީ ޗައިނާގެ ފަތުރުވެރިންނެވެ. އެއީ 300،352 ފަތުރުވެރިންނެވެ.
ރާއްޖެއަށް ދެވަނައަށް އެންމެ ގިނައިން ޒިޔާރަތްކޮށްފައިވަނީ ރަޝިޔާގެ ފަތުރުވެރިންނެވެ. އެގޮތުން ރަޝިޔާގެ 239،004 ފަތުރުވެރިން ރާއްޖެއަށް ވަނީ ޒިޔާރަތްކޮށްފަ އެވެ. ދެން މި ލިސްޓުގެ އެންމެ ކުރީގައި އުޅޭ ގައުމުތަކަކީ:
Advertisement
- އިނގިރޭސި ވިލާތް: 168،597 ފަތުރުވެރިން
- ޖަރުމަނު ވިލާތް: 141،739 ފަތުރުވެރިން
- އިޓަލީ ވިލާތް: 124،406 ފަތުރުވެރިން
- އިންޑިއާ: 109،297 ފަތުރުވެރިން
- އެމެރިކާ: 54،449 ފަތުރުވެރިން
- ފަރަންސޭސި ވިލާތް: 48،673 ފަތުރުވެރިން
- ސްޕެއިން: 46،582 ފަތުރުވެރިން
- އޮސްޓްރޭލިއާ: 36.274 ފަތުރުވެރިން
ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުގައި، މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދަކީ މިދިޔަ އަހަރުގެ މި މުއްދަތާ އަޅައިބަލާއިރު 9.8 އިންސައްތައިގެ އިތުރުވުމެކެވެ. މީގެ އިތުރުން ރާއްޖެއަށް މިހާރު ދުވާލެއްގެ މައްޗަށް އެވަރެޖުކޮށް 6،025 ފަތުރުވެރިން ޒިޔާރަތްކުރާ ކަމަށްވެސް މިނިސްޓްރީގެ ތަފާސް ހިސާބުތަކުން ދައްކަ އެވެ.
ސަރުކާރުގެ އަމާޒަކީ މި އަހަރު ނިމުމުގެ ކުރިން 2.3 މިލިއަން ފަތުރުވެރިން ރާއްޖެއަށް ގެނައުމެވެ.
