50 ޕަސެންޓަށް ވުރެ ގިނަ ވޯޓު ހޯދައިގެން ޑިމޮކްރެޓިކް ސޯޝަލިސްޓެއް ކަމަށް ވަކާލާތު ކުރެއްވި ޔޫގަންޑާ އަށް އުފަން ޛަޚްރާން މަމްދާނީ އެމެރިކާގެ ނިއުޔޯކުގެ މޭޔަރު އިންތިޚާބު ކާމިޔާބު ކުރީ ބޮޑެތި މަހުޖަނުންތައް ބަލިކޮށްގެންނެވެ.
އެމެރިކާގެ ރައީސް ޑޮނަލްޑް ޓްރަމްޕުގެ އެންޓި ކެމްޕޭނާއި ކުރިމަތިވެ، ސިޔާސީ އެތައް ޕްރެޝަރަކާއި މަމްދާނީ ކުރިމަތިލާން ޖެހުނެވެ. މަމްދާނީ އަކީ މުސްލިމަކަށް ވުމުން ވެސް ދީނީ ގޮތުން ވެސް އޭނާ އަށް ޕްރެޝަރާއި ކުރިމަތިލާން ޖެހުނެވެ.
ނިއުޔޯކުގައި މިފަހަރު އޮތް އިންތިޚާބުގައި އެންމެ ފާހަގަ ކޮށްލެވޭ އަނެއް ކަމަކީ މަމްދާނީ ކުރިމަތިލާން ޖެހުނީ ބޮޑެތި ޓްރިލިއަނަރުންނާއި އަދި ނުފޫޒު ގަދަ ބްރޭންޑުތަކާއި ދެކޮޅަށެވެ. މޭޔަރުކަމަށް އެޕަލް އިންކް އާއި، މައިކްރޯސޮފްޓާއި، އެމެޒަން އާއި ފޭސްބުކް ހިމެނޭ ބިގް ޓެކް އިން ވެސް ވާދަކުރިއިރު މަމްދާނީ ވަނީ ޓްރިލިއަން ޑޮލަރުގެ ވިޔަފާރިވެރިން ބަލިކޮށްފައެވެ. އެއީ އީލޮން މަސްކް، ޖެފް ބެޒޯސް، މާކް ޒުކަބާގް، ލެރީ ޕޭޖް، އަދި ބިލް ގޭޓްސް ފަދަ ޓްރިލިއަން ޑޮލަރުގެ ގުރޫޕެވެ.
އަނެއްކޮޅުން ސިލިކަން ވެލީ އާއި ބިލް އެކްމަން ފަދަ ކުންފުނިތަކުން ވެސް ވާދަކުރިއެވެ. މި ހުރިހާ ބްރޭންޑުތަކުގެ އިތުރުން އެމެރިކާގެ ރައީސް ޑޮނަލްޑް ޓްރަމްޕް ނެރުނު ކެނޑިޑޭޓް ވެސް މަމްދާނީ އާއި ވާދަކޮށް، ވީ ބައްޔެވެ.
މަމްދާނީ ބަލިކުރުމަށް އެތައް މިލިއަން ޑޮލަރެއް ޓްރަމްޕާއި އެކި މަހުޖަނުންތައް ނިއުޔޯކަށް އޮއްސައިލި ކަމަށް ބައެއް ރިޕޯޓުތަކުން އެނގެއެވެ. ދަ ވޯލް ސްޓްރީޓް ޖާނަލް އެކަމަށް ހެކިވެއެވެ. ރިޕޯޓު ތަކުގައި ވާގޮތުން 22 ވަރަކަށް މިލިއަން ޑޮލަރު ވަނީ ނަގުދު ފައިސާއިން ބަހާފައެވެ. އަދި މަމްދާނީ އާއި ދެކޮޅު 60 އަށް ވުރެ ގިނަ ބިލިއަނަރުންނާއި އެމީހުންގެ ޢާއިލާތައް ޚަރަދުކުރި ކަމަށް ވެއެވެ. އޭގެތެރޭގައި ޓްރަމްޕް ވެސް ހިމެނެއެވެ. މި އެންމެން ވެސް “ފުނޑުނީއެވެ”.
އަންނަ އަހަރު ޖެނުއަރީ މަހުގެ ފުރަތަމަ ދުވަހު ނިއުޔޯލުގެ މޭޔަރުކަމާއި ޙަވާލުވާނީ ޛަޚްރާން މަމްދާނީއެވެ.
މަމްދާނީ އަކީ މުސްލިމެއް ކަމުގައި ވިޔަސް ދީނާއި ދުރު ގިނަ ކަންކަން އޭނާގެ ކިބައިން ފެނިފައި އެބަހުއްޓެވެ. އޭގެތެރޭގައި އެލްޖީބީޓީކިއު އަށް ތާޢީދުކުރާ ހިނގާލުމެއްގައި “ރެއިންބޯ”ދިދައެއް މަމްދާނީ ހިފައިގެން ހުރިކަން ފާހަގަ ކުރެވެއެވެ.
މަމްދާނީ އާއި ދެކޮޅަށް އެމެރިކާގެ ހުރިހާ ބޮޑެތި މަހުޖަނުން ކެމްޕޭނުކުރިއިރު، އަންހެން ދެބިލިއަނަރަކު އޭނާ އާއި ބައިޢަތު ފިފާފައިވާކަން ވެސް ފާހަގަ ކުރެވެއެވެ.
