ދެކުނު އެމެރިކާގެ އުތުރު އައްސޭރީގައި ކެރީބިއަން ކަނޑުގައި އޮތް ވެނެޒުއެލާ އަކީ މުޅި ދުނިޔޭގައި ވެސް އޮތް އެންމެ ބޮޑު ތެލުގެ ރިޒާވް އެވެ.
ވެނެޒުއެލާގައި 303 ބިލިއަން ފީފާއަށް ވުރެ ގިނައިން ތެޔޮ އެބަހުއްޓެވެ. އެއީ ސައޫދީ އާއި އީރާނާއި ކެނެޑާ އަށް ވުރެ ވެސް ގިނައިންނެވެ. މި ބޮޑު ޤުދުރަތީ މުއްސަނދިކަން ހިމެނޭ ވެނެޒުއެލާ އާއި ކުރިމަތިލުމަށް އެމެރިކާއިން ސިއްރިޔާތުގައި މަސައްކަތް ކުރަމުން ގެންދާތާ ވަރަށް ދުވަސް ވެއްޖެއެވެ.
އެމެރިކާގެ ކޮންމެ ރައީސަކަށް ވެސް ބޮޑު އެއްޓާސްކު އޮވެއެވެ. ޓްރަމްޕަށް އޮތް ޓާސްކަކީ ވެނެޒުއެލާ ފޭރިގަތުން ކަމަށް ބެލެވެއެވެ. މިކަމަށް ބާރުދޭ ހެކިތައް މަދެއް ނޫނެވެ. މިހާރު އެމެރިކާގެ ޖެޓްތައް ވެސް ދަނީ ވެނެޒުއެލާގެ ސަރަޙައްދުން އުދުހެމުންނެވެ. ނޭވީގެ މަނަވަރުތައް ވެސް އެޓޭކް މޯޑުގަ އެވެ.
ވެނެޒުއޭލާއަށް އަރައިގަތުމަށް ޓްރަމްޕް ކުޅެން ޖެހޭ މާބޮޑު ކުޅިވަރެއް ޙަޤީޤަތުގައި ނެތެވެ. ސަބަބަކީ ޓްރަމްޕް ވެރިކަމަށް އައިއިރު ވެސް އެމެރިކާގެ ސެންޓްރަލް އިންޓެލިޖެންސް އެޖެންސީ (ސީއައިއޭ) އިން އޮތީ ވެނެޒުއެލާގެ ތެރޭގައި ކުޅިބައި އަތުރާފައެވެ. ވެނެޒުއެލާގައި ޒަމާނުއްސުރެ ތިބި ރައީސް ނިކޮލަސް މަޑޫރޯ އަށް ވަފާތެރި ރައްޔިތުން ބައިބައި ކޮށްލާފައެވެ. އަނެއްކޮޅުން ވެނެޒުއެލާގެ އެކުވެރި ރަޝިއާ އާއި ޗައިނާ އަށްވެސް މުސިބާތްތަކާއި ކުރިމަތިކުރުވާ ގައެވެ. މިއީ ވަރަށް ދުރާލާ ރާވައި ތަރުތީބުކޮށްލި "ބޯޑެކެވެ".
އެމެރިކާ އިން ޤައުމަކަށް އަރައިގަނެ އެ ޤައުމެއްގެ މުއްސަނދިކަން ފޭރުމުގެ ކުރިން ފުރަތަމަ ކުރާ ކަމަކީ އެ ޤައުމެއްގެ އެކުވެރިންނާއި ގުޅުން ބަދަހި ކުރުމެވެ. ޗައިނާ އާއި ރަޝިޔާ އަކީ އެމެރިކާގެ ވާދަވެރިންނެވެ. އެހެންކަމުން އެމެރިކާ އަށް އޮތީ އެ ދެޤައުމު ތަޅުއަޅުވާލައި މަޑޫރޯ ގެ ޤައުމު ފިތުނަވެރިކޮށް ބައިބައިކޮށްލުމެވެ. ޣިރާޤަށް ވެސް ހެދި އެހެންނެވެ. އެކަން އެ އޮތީ ކޮށްފައެވެ. އެހެންކަމުން މިހާރު ޓްރަމްޕަށް އޮތީ ވެނެޒުއެލާ އަށް އަރައިގަތުމެވެ.
އެމެރިކާ އިން ފުރަތަަމަ ބުނަމުން ދިޔައީ ވެނެޒުއެލާގެ ރައީސް ނިކޮލަސް މަޑޫރޯ އަކީ ޑިކްޓޭޓަރެކެވެ. މިހާރު ބުނަނީ މަޑޫރޯ އަކީ މަސްތުވާތަކެތީގެ ރަސްގެފާނު ކަމަށެވެ. އަދި ޓެރަރިސްޓް ގޭންގުތައް އޮޕަރޭޓްކުރާ މީހެއް ކަމަށް ވެސް އެމެރިކާ އިން ވަނީ ބުނެފައެވެ.
އެމެރިކާއިން މިހާރު ވެސް ވަނީ ވެނެޒުއެލާގެ ކާޓެލްތަކަށް ނިސްބަތްވާ މީހުންނާއި ދެކޮޅަށް ކަނޑުމަތީގައި ޙަމަލާދީ 27 މީހުން މަރާލާފައި ކަމަށް ވާއިރު، ބެލެވޭ ގޮތުގައި އެމެރިކާގެ އެ ޢަމަލަކީ ކުރިޔަށް އޮތްތަނުގައި ވެނެޒުއެލާ އަށް ބޮން އެޅުމަށް ފަހު ސީދާ އެއްގަމުމަގުން އަރައިގަނެ ވެނެޒުއެލާގެ ކޮންޓުރޯލު ނެގުނެވެ.
ބެލެވޭ ގޮތުގައި އެމެރިކާއިން މިހާރު ބޭނުންވަނީ ސީދާ މަޑޫރޯ ގެ ވެރިކަން ޚަތިމް ކޮށްލާށެވެ. މަޑޫރޯ ގަދަ ބަސް ވިދާޅުވިއެވެ.
ނިކަން ބައްލަވާށެވެ. ޣިރާޤަށް ވީ ކިހިނެއްތޯއެވެ؟ ޞައްދާމް ކޮބައިތޯއެވެ؟
މިއީ ފިލްމެއް ނަމަ، މިތިބީ މި ފިލްމުގެ އެންމެ ފަހު 15 މިނެޓުގައި ކަމަށް ބެލިޔަސް އެންމެ ރަނގަޅު ކަމަށް އަޅުގަނޑަށް ގެނެއެވެ.
ބާކީ އޮތް ހަމައެކަނި ސުވާލަކީ ވެނެޒުއެލާގެ ރައީސް ނިކޮލަސް މަޑޫރޯ ހައްޔަރުކުރާނީތޯ ނުވަތަ ދުއްވައިލާނީތޯއެވެ؟
