މާތްރަސްކަލާނގެ ހެއްދެވި ސިފައާއި މެދު ހިތްހަމަނުޖެހިގެން ގުނަވަންތައް ބަދަލުކޮށްގެން އަންހެނުންނަށް ބަދަލުވެގެން އުޅުނު އިންޑިއާގެ 24 ފިރިހެނަކު އެއްފަހަރާ އަމިއްލައަށް މަރުވާން މަސައްކަތްކޮށްފިއެވެ. މިދިޔަ ބުދަ ދުވަހުގެ ރޭ މި ހާދިސާ ހިނގީ މަދްޔާ ޕްރަދޭޝްގެ ނަންޑްލަޕޫރާގައެވެ.
މިދެންނެވި ވީޑިއޯ މިހާރު ޚުލާސާ ފޭސްބުކްގައި އަޕްލޯޑްކޮށްފައިވާއިރު، ނުރަސްމީ މަސްދަރުތަކުން ބުނާ ގޮތުގައި ހައްދުފަހަނައެޅި އިންޑިއާގެ މި "ޝައިޠާނުން" އަމިއްލައަށް މަރުވާން އުޅުނީ ޓްރާންސްޖެންޑަރ މީހުންނާއި މެދުގައި އިންޑިއާގެ ބައެއް މީހުން ތަފާތުކުރުންތައް ގެންގުޅޭތީވެ އެކަންކަން ހުއްޓުވުމުގެ ގޮތުންނެވެ.
Advertisement
ވީޑިއޯއިން ފެންނަ ގޮތުގައި ކޮންމެ މީހެއްގެ އަތުގައިވެސް ބްލީޗް ފުޅިއެއް އޮތެވެ. އިންޑިއާގެ މަސްދަރުތަކުން ބުނީ އެމީހުން އަމިއްލައަށް މަރުވާން އުޅުނު އަސްލު ސަބަބު ކަށަވަރު ނުވާ ކަމަށާއި އެމީހުންނަށް ފަރުވާ ދިނުމަށް ހޮސްޕިޓަލަށް ގެންދިޔަ ކަމަށާއި އެތެރެހަށީގެ ގުނަވަނަކަށް ގެއްލުމެއް ވެސް ނުލިބި އެމީހުންގެ "މިޝަން" ފެއިލްވީ ކަމަށެވެ.
އިންޑިއާއަކީ އަންހެނުން ފިރިހެނުންނަށް އަދި ފިރިހެނުން އަންހެނުންނަށް ބަދަލުވުން ނުވަތަ "ޓްރާންސްޖެންޑާ" އަށް ވުމަށް ގާނޫނުން ހުއްދަކޮށްފައިވާ ގައުމެކެވެ.
