މިއަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު 1.7 މިލިއަނަށް އަރައިފި ކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފި އެވެ.
ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކާ ގޮތުގައި، މި މަހުގެ 14 ވަނަ ދުވަހާއި ހަމައަށް ރާއްޖެއަށް 1،719،259 ވަނީ ރާއްޖެއަށް ޒިޔާރަތްކޮށްފަ އެވެ. މިއީ މިދިޔަ 2024 ވަނަ އަހަރުގެ މި މުއްދަތާ އަޅާބަލާއިރު %13.1 އިތުރުވުމެކެވެ. މިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކޮށްފައި ވަނީ 1،563،413 ފަތުރުވެރިންނެވެ.
ޓޫރިޒަމް މިނިސްޓްރީގެ ތަފާސްހިސާބުތަކުން ދައްކާގޮތުގައި، ރާއްޖެއަށް އެވްރެޖްކޮށް ދުވާލެއްގެ މައްޗަށް 5،990 ފަތުރުވެރިން ޒިޔާރަތްކުރެ އެވެ. ރާއްޖެއަށް އެންމެ ގިނައިން ފަތުރުވެރިން އަންނަ ގައުމުތަކުގެ ލިސްޓުގެ ކުރީގައި އުޅެނީ ޗައިނާ އެވެ. ޗައިނާއިން 281،780 ފަތުރުވެރިން ރާއްޖެއަށް ވަނީ ޒިޔާރަތްކޮށްފަ އެވެ. ދެން އެންމެ ގިނަ ފަތުރުވެރިން ރާއްޖެއަށް ޒިޔާރަތްކުރި ގައުމުތަކަކީ:
ރަޝިއާ: 210،595 ފަތުރުވެރިން
އިނގިރޭސި ވިލާތް: 150،705 ފަތުރުވެރިން
ޖަރުމަނު ވިލާތް: 124،112 ފަތުރުވެރިން
އިޓަލީ ވިލާތް: 115،686 ފަތުރުވެރިން
އިންޑިއާ: 99،103 ފަތުރުވެރިން
އެމެރިކާ: 49،748 ފަތުރުވެރިން
ފަރަންސޭސި ވިލާތް: 44،286 ފަތުރުވެރިން
ސްޕެއިން: 41،694 ފަތުރުވެރިން
އޮސްޓްރޭލިއާ: 32،843 ފަތުރުވެރިން
ސަރުކާރުން މިއަހަރު ރާއްޖެއަށް 2.2 މިލިއަން ފަތުރުވެރިން ގެނައުމަށް ވަނީ އަމާޒު ހިފައިފަ އެވެ. މި އަދަދަށް ރާއްޖެއަށް ފަތުރުވެރިން ގެނައުމަށް ދެން ބޭނުންވާނީ ހަތަރު ލައްކައެއްހައި ފަތުރުވެރިންނެވެ.
