އެމެރިކާގެ ލޮސް އެންޖެލެސްގެ ޢާއިލާއެއްގެ ހުރިހާ އެންމެން ޖާހިލުކަމުގެ ނިދިން ހޭލައި އިސްލާމް ދީނަށް ވަދެއްޖެއެވެ.

ސޯޝަލް މީޑިއާގައި ގިނަ ބައެއްގެ ސަމާލުކަން މިކަމަށް ލިބިފައިވާއިރު، އެ ޢާއިލާއިން ބުނީ އިސްލާމް ދީނަށް މުޅި އާއިލާ އެކީއެކަށް އެއްފަހަރާ ވަނުމުން ގިނަ ބަޔަކު ދިމާކޮށް މަލާމާތް ކުރާކަމަށާއި، ނަމަވެސް އެއަށް ވުރެ ގިނައީ ރަޢުރީފުކުރާ މީހުންގެ ހެޔޮ ބަސްތަކެވެ.

ލޮސް އެންޖެލެސް އަކީ މުސްލިމް އާބާދީ ބޮޑުވަމުން އަންނަ ސިޓީއެކެވެ. ލޮސް އެންޖެލިސް ލެޓިނޯ މުސްލިމް އެސޯސިއޭޝަން (ލާލްމާ) އިން ބުނާ ގޮތުގައި ލޮސް އެންޖެލެސްގައި ބައިމިލިއަނާއި ގާތްކުރާ ޢަދަދަކަށް މުސްލިމުން ދިރިއުޅޭއިރު އިސްލާމް ދީނަށް ވަންނަ މީހުންގެ ޢަދަދު ދަނީ އިތުރުވަމުންނެވެ.

މުސްލިމުންގެ ތެރޭގައި ވެސް ތަފާތު އެތައް ވައްތަރެއް މުޅި ދުނިޔޭގައި ދިރިއުޅޭއިރު އެއްބަޔަކު ގަބޫލުރަނީ އަންހެނުން މޫނު ވެސް ނިވާކުރުން މަޖުބޫރު ކަމަށެވެ. މި ޚިޔާލުތަފާތުވުންތައް އެއްކައިރިކުރުމަށްފަހު އެންމެ މުހިއްމީ އީމާންތެރިކަން ހަރުދަނާކޮށް ކަލާނގެ އާއި ތިމާ އާއި ދެމެދުގައި އޮންނަ ރޫޙާނީ ގުޅުން ވަރުގަދަކޮށް، ހުރިހާ ފިރުޤާތަކެއްގެ މުސްލިމުންނާއި ވެސް އަރައިރުން ނުވެ އުއްމަތުގެ ޙައްޤުގައި އެކުވެރިކަމާއި އެކު އުޅުން ކަމަށް ސުންނީ ޖަމާޢަތުގެ ޢިލްމުވެރިން ބުނެއެވެ.

ހުސްވި މަހުގައި އޮސްޓްރޭލިއާ އިން ވެސް ގާތްގަނޑަކަށް 30 އަންހެނުން އިސްލާމް ދީން ޤަބޫލުކޮށްފިއެވެ. އެ މީހުން އިސްލާމް ދީނަށް ވަނީ މެލްބަންގެ މީޑޯ ހައިޓްސް މިސްކިތުގައި ކަމަށާއި، އީމާންތެރިކަން ހިތަށް ވަނީ އެއްގަމުންނާއި ވައިގެމަގުން އެވަރަށް ބޮން އަޅާއިރުވެސް ޣައްޒާ މުސްލިމުންގެ އީމާންތެރިކަން ފެނި، ޙަޤީޤީ އިލާހަކީ މާތް ﷲ ކަމަށް އެ މީހުންގެ ހިތަށް ވަދެ އެކަން ބުއްދިން ޤަބޫލުކުރެވިގެންނެވެ.

ޣައްޒާ ހަނގުރާމައިގެ ސަބަބުން ޔޫރަޕްގައި ވެސް އިސްލާމް ދީނަށް ވަންނަ މީހުންގެ ޢަދަދު 400 ޕަސަންޓް މައްޗަށް އަރާފައެވެ.