އިނގިރޭސި ޕްރިމިއަރ ލީގުގައި ވާދަވެރިކަން އުފެދިފައިވާ ދެ މެންޗެސްޓަރ ކުރިމަތިލުން މެންޗެސްޓަރ ސިޓީން 0-3 ގެ ނަތީޖާއިން މޮޅުވެއްޖެ އެވެ.

ސިޓީގެ އިތިހާދު ސްޓޭޑިއަމްގައި ކުޅުނު މި މެޗުގައި ތަޖުރިބާކާރު ފޯވާޑު އަރލިންގ ހާލަންޑު ވަނީ ދެ ގޯލު ޖަހާފަ އެވެ. ދެން ގޯލު ޖަހާފައިވަނީ ފޮޑެން އެވެ.

ގޯލު ޖަހާނެ ރަނގަޅު ފުރުސަތުތަކެއް ސިޓީ އަށް ލިބުނު މި މެޗުގެ ފުރަތަމަ ގޯލު ފުރަތަމަ ހާފުގެ 18 ވަނަ މިނެޓުގައި ކާމިޔާބުކުރީ ޑޮކޫގެ މޮޅު އެސިސްޓުގެ ބޭނުން ހިފައި ފޮޑެން އެވެ. އޭނާ މި ގޯލު ކާމިޔާބުކުރީ ބޮލުންނެވެ.

ދެވަނަ ހާފުގެ 53 ވަނަ މިނެޓުގައި ހާލަންޑު ގޯލު ޖަހާފައިވަނީ ފުރަތަމަ ހާފުގައި ވެސް އެސިސްޓް ކުރި ޑޮކޫގެ އެހީތެރިކަމާއެކުގަ އެވެ. ތިން ވަނަ ގޯލުވެސް ކާމިޔާބުކުރީ މެޗުގެ މޮޅު ކުޅުންތެރިއާގެ މަގާމު ހޯދި ހާލަންޑެވެ. މި ގޯލު އޭނާ ކާމިޔާބުކުރީ ބެނާޑޯ ސިލްވާގެ އެހީތެރިކަމާއެކުގަ އެވެ. މި މެޗުގައި ސިޓީއަށް ގޯލު ޖަހާނެ ރަނގަޅު ފުރުސަތުތަކެއް ލިބި ވަނީ ބޭކާރުވެފައެވެ. އެގޮތުން ފަހު ހާފުގައި ހާލަންޑަށާއި ޓިޖާނީ ރެއިންޑާސް އަށް ލިބުނު ފުރުސަތު ފާހަގަކޮށްލެވެ އެވެ.

މި މެޗަކީ ސިޓީއާ އަލަށް ގުޅުނު ކީޕަރު ޑޮނަރޫމާގެ ކުޅުން ފާހަގަކޮށްލެވެ އެވެ. 26 މިލިއަން ޕައުންޑަށް އެ ކުލަބާ ގުޅުނު މި ކީޕަރުގެ ފަރާތުން ރަނގަޅު ސޭވްތަކެއް މިރޭގެ މެޗުގައި ވަނީ ފެނިފައެވެ.

މި ބައްޔާއެކު ޔުނައިޓެޑަށް ހަތަރު މެޗުން ލިބުނީ ހަތަރު ޕޮއިންޓެވެ. މި ވަގުތު އެ ކުލަބު 14 ވަނާގައި އޮތްއިރު ސިޓީ ވަނީ ހަތަރު މެޗުން ހަ ޕޮއިންޓް ހޯދައި ތާވަލުގެ އަށް ވަނައަށް ޖެހިލާފަ އެވެ.

މި ހަފްތާގައި ޕްރިމިއަރ ލީގުގައި ކުޅުނު އެހެން މެޗުތަކުގެ ނަތީޖާތައް:

އާސެނަލް 3-0 ނޮޓިންހަމް ފޮރެސްޓް

ބޯންމައުތް 2-1 ބްރައިޓަން

ކްރިސްޓަލް ޕެލެސް 0-0 ސަންދަލެންޑް

އެވަޓަން 0-0 އެސްޓަން ވިލާ

ފުލަމް 1-0 ލީޑްސް

ނިއު ކާސަލް 1-0 ވުލްވްސް

ވެސްޓް ހޭމް 0-3 ޓޮޓެންހަމް

ބްރެންޓްފޯޑް 2-2 ޗެލްސީ

ބާންލީ 0-1 ލިވަޕޫލް