މެންޗެސްޓާ ސިޓީގެ މަޝްހޫރު ނޯވޭ ފޯވާޑް އާލިން ހާލަންޑު، އޭނާގެ ފާހަގަކޮށްލެވޭ ދިގު ރަން އިސްތަށިގަނޑު ކޮށާލައި ސަޕޯޓަރުންނަށް ބޮޑު ހައިރާންކަމެއް ގެނެސްދީފިއެވެ.
އިނގިރޭސި ޕްރިމިއާ ލީގުގެ އާ ސީޒަންގައި މެންޗެސްޓާ ސިޓީ ކުޅޭ ފުރަތަމަ މެޗަށް މަދު ގަޑިއިރުތަކަކަށް ވެފައިވަނިކޮށް، ހާލަންޑު ވަނީ އޭނާގެ އިސްތަށިގަނޑު ކުރުކޮށް ކޮށާލައި މުޅިން އާ ސްޓައިލެއް ދައްކާލާފައެވެ. ރިޕޯޓުތައް ބުނާގޮތުގައި، ހާލަންޑު މިފަދަ ކުރު ހެއާސްޓައިލެއްގައި އެންމެ ފަހުން ފެނިފައިވަނީ އޭނާގެ ކެރިއަރުގެ ކުރީކޮޅު، ނޯވޭގެ މޮލްޑޭއަށް ކުޅުނު ދުވަސްވަރުގައެވެ.
Advertisement
ހާލަންޑުގެ މި ކުއްލި ބަދަލާއެކު އޭނާގެ ސަޕޯޓަރުންނާއި ފުޓްބޯޅަ މީޑިއާތަކުގެ ސަމާލުކަން ވަނީ ވަރަށް ބޮޑަށް ލިބިފައެވެ. އަދި އޭނާގެ މި އާ ލުކްއާ މެދު ސޯޝަލް މީޑިއާގައި ގިނަ ބަޔަކު އަންނަނީ ޝުއޫރު ފާޅުކުރަމުންނެވެ.
މި އާ ސިފައާއެކު ހާލަންޑު މެންޗެސްޓާ ސިޓީގެ ޖާޒީގައި ފުރަތަމަ ފެނިގެންދާނީ، ޕްރިމިއާ ލީގުގައި އެ ޓީމު ބޯންމަތާ ދެކޮޅަށް ކުޅޭ މެޗުގައެވެ. ސީޒަންގެ ފުރަތަމަ މެޗަށް ނުކުންނައިރު، ހާލަންޑު އޭނާގެ އާ ސްޓައިލާއެކު ދަނޑުމަތީގައި ތަފާތު މޮޅު ކުޅުމެއް ދައްކާނެ ކަމަށް ސަޕޯޓަރުން އުއްމީދު ކުރެއެވެ.
