މާލެ ސަރަހައްދުގައި ފުލުހުން ހިންގި އޮޕަރޭޝަންތަކުގައި ހަތަރު މިލިއަނަށްވުރެ ގިނަ ރުފިޔާގެ މުދާ ރިކަވާކޮށްފި އެވެ.

ޕޮލިސް ކޮމާންޑް ޑިޕާޓްމެންޓުތަކުން މާލޭގެ މަގުތައް ރައްކާތެރި އަމާން ތަނަކަށް ހެދުމަށާއި ރައްޔިތުންގެ ސަލާމަތާއި ރައްކާތެރިކަމަށް ފުލުހުން މިދިޔަ މަހު ކުރި މަސައްކަތްތަކުގެ ތަފާސް ހިސާބުތަކުން ދައްކާގޮތުގައި މާލެ މަގުމަތިން 5581 އުޅަނދު ހުއްޓުވައި ވަނީ ސުވާލުކޮށްފަ އެވެ. އޭގެ ތެރެއިން ކުށުގެ ރެކޯޑު އޮންނަ 208 މީހުން ހުއްޓުވާފައިވެ އެވެ. އަދި ކުށުގެ ރެކޯޑު ނެތް 5373 މީހުން ހުއްޓުވައި ސުވާލުކޮށްފައިވެ އެވެ.

ފުލުހުންގެ ޕެޓްރޯލިން 999 ގަޑިއިރު ކޮށްފައިވާކަމާއި، 26674 ލޮކޭޝަން ޗެކް ކޮށްފައިވާކަމަށް އެ ތަފާސް ހިސާބުތަކުން ދައްކަ އެވެ. އިތުރަށް 127 ވެހިކަލް ޗެކްޕޮއިންޓް އާއި ހަ ވިސިބިލިޓީ އެންޑް ޓްރެފިކް މެނޭޖްމަންޓް ޕޮއިންޓް ގައި މަސައްކަތް ކޮށްފައިވެ އެވެ.

އެ މަސައްކަތުގެ ތެރެއިން 90 ސައިކަލު ހޯދާފައިވާއިރު އޭގެ އަގު 4،285،880 ފައިސާއަށް އަރައެވެ. އަދި 219،843 ފައިސާގެ 19 މޯބައިލް ފޯނާއި 19،850 ފައިސާއަށް ވާހާ ހަތަރު އިލެކްޓްރޯނިކްސްވެސް ރިކަވާ ކޮށްފައި ވާކަމަށް ތަފާސް ހިސާބުތަކުން ދައްކަ އެވެ. އިތުރަށް 40 މީހެއްގެ އަތުން 329،350 ފައިސާ އާއި 80،848 އެހެނިހެން ތަކެތިވެސް ރިކަވާ ކޮށްފައިވެ އެވެ. އެއީ މުޅިއެކު 4,609,421 ރުފިޔާ އެވެ.