ގައުމީ އެއާލައިން، މޯލްޑިވިއަނުން ސްކޫލް ބޮޑު ޗުއްޓީއާ ދިމާކޮށް މެލޭޝިއާ އަދި ތައިލެންޑަށް ހާއްސަ ދަތުރުތަކެއް ކުރުމަށް ނިންމައިފި އެވެ.
މި ކަމާ ގުޅިގެން މޯލްޑިވިއަނުން ބުނެފައިވަނީ، މެލޭޝިއާގެ ކުއާލަލަންޕޫރު އަދި ތައިލޭންޑުގެ ބެންކޮކަށް މިއަހަރުގެ ޑިސެމްބަރު މަހު އަދި އަންނަ ޖެނުއަރީ މަހު އެ އެއާލައިނުން ކުރާ ދަތުރުތަކަށް ޓިކެޓު ބުކް ކުރުމަށް މިހާރު ހުޅުވާލާފައިވާ ކަމަށެވެ.
މޯލްޑިވިއަނުން ބުނެފައިވާ ގޮތުގައި ކުއާލާލަންޕޫރަށް ކުރާ ދަތުރުގެ ދެކޮޅު ޓިކެޓުގެ އަގަކީ 355 ޑޮލަރެވެ. މޯލްޑިވިއަނުން މެލޭޝިޔާއަށް ކުރާ ދަތުރުތައް ފެށުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ 21 ވަނަ ދުވަހުން ފެށިގެން އަންނަ އަހަރުގެ ޖެނުއަރީ މަހުގެ 11 ވަނަ ދުވަހާއި ހަމައަށް ކޮންމެ ހަފްތާއެއްގެ އަންގާރަ ދުވަހު އެވެ.
މީގެ އިތުރުން، ބެންކޮކަށް ކުރާ ދަތުރުގެ ދެކޮޅު ޓިކެޓުގެ އަގަކީ 399 ޑޮލަރެވެ. މޯލްޑިވިއަނުން މެލޭޝިޔާއަށް ކުރާ ދަތުރުތައް ފެށުމަށް ހަމަޖެހިފައިވަނީ މިއަހަރުގެ ޑިސެމްބަރު މަހުގެ 31 ވަނަ ދުވަހުން ފެށިގެން އަންނަ އަހަރުގެ ޖެނުއަރީ މަހުގެ 13 ވަނަ ދުވަހާއި ހަމައަށް ކޮންމެ ހަފްތާއެއްގެ އަންގާރަ ދުވަހު އެވެ.
މޯލްޑިވިއަނުން ޓިކެޓު ބުކް ކުރުމުގެ ފުރުސަތު މިހާރު ހުޅުވާލާފައިވާއިރު، މޯލްޑިވިއަންގެ ވެބްސައިޓު އަދި މޯބައިލް އެޕް މެދުވެރިކޮށް މި ހިދުމަތް ލިބޭނެ ކަމަށް އެ އެއާލައިނުން ވަނީ އިތުރަށް ބުނެފަ އެވެ.
މޯލްޑިވިއަނުން ވަނީ އެ އެއާލައިނުން ކުރާ ދަތުރުތައް އިތުރަށް ފުޅާކުރުމުގެ ގޮތުން ވައިޑްބޮޑީ އެއާ ކްރާފްޓެއް އެ އެއާލައިންގެ ފްލީޓަށް އިތުރުކޮށްފަ އެވެ. އަދި ތަފާތު އެކި މަންޒިލްތަކަށް އެ އެއާލައިނުން ކުރާ ދަތުރުތައް މިހާރު ދަނީ ފުޅާކުރަމުންނެވެ.
