މަސްތުވާތަކެއްޗާއެކު މިދިޔަ ޖުލައި މަހު ހައްޔަރުކުރި ފުލުސް މީހާ ވަޒީފާއިން ވަކިކުރަން ނިންމައިފި އެވެ.

ފުލުހުން މިރޭ ބުނީ އދ. ކުނބުރުދޫ، ދިލްބަހާރުގެ، އައިޝަތު ޝިޔާޒާ، 32، ގެ މައްސަލަ ބެލުމަށް ފަހު އޭނާ ފުލުހުންގެ ވަޒީފާ އިން ވަކިކުރަން ޑިސިޕްލިނަރީ ބޯޑުން މިހާރު ނިންމާފައިވާ ކަމަށެވެ.

އޭނާ ހައްޔަރުކުރީ ފުލުހުން ހިންގި ޑްރަގް އޮޕަރޭޝަނެއްގައި އެވެ. އެ އޮޕަރޭޝަންގައި އިތުރު މީހަކުވެސް ހައްޔަރުކޮށްފައިވެ އެވެ. އެއީ ހއ. ދިއްދޫ، ހަޒާރުމާގޭ ސައިފުﷲ އަހްމަދު، 26، އެވެ.

މި ހާދިސާގައި ޝިޔާޒާގެ ދަބަހުން ދެ ގުރާމަށްވުރެ ގިނަ އަދަދެއްގެ މަސްތުވާތަކެތިކަމަށް ބެލެވޭ ރަބަރު ތިން ޕެކެޓު ފެނިފައިވާކަމަށް ފުލުހުން ކޯޓުގައި ބުނެފައިވެ އެވެ.