ރާއްޖެއިން ބޭރުގައި ކިޔަވާ ދިވެހި ކުދިންގެ ޑޮލަރު ލިމިޓަށް ބަދަލެއް ނުގެންނަ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފި އެވެ.
މިދިޔަ އަހަރު ނޮވެމްބަރުން ފެށިގެން ބޭރުގައި ކިޔަވާ ދަރިވަރުންގެތެރެއިން ބީއެމްއެލް ޑެބިޓް ކާޑު ބޭނުންކުރާ ދަރިވަރުންނަށް ލިބޭ ޑޮލަރު 750 އިން 1200 އަށް ވަނީ ބަދަލުކޮށްފަ އެވެ. ނަމަވެސް ބޭންކުން މިއަދަދު އަނެއްކާވެސް ކުޑަކޮށްފައިވާ ކަމަށްބުނެ ސޯޝަލް މީޑިއާގައި ދަނީ ވާހަކަދައްކަމުންނެވެ.
ބީއެމްއެލްގެ އޮފިޝަލަކު "ޚުލާސާ" އާ ވާހަކަދައްކަމުން މިއަދު ވިދާޅުވީ އެއީ ދަރިވަރުންނަށް ފޮނުވާފައިވާ އީމެއިލްތަކެއް ނޫންކަމަށާއި ދަރިވަރުންނަށް ސަރުކާރުން ދޭން ނިންމާފައިވާ ޑޮލަތު ލިމިޓަށް އެއްވެސް ބަދަލެއް ބޭންކުން ނުގެންނަ ކަމަށެވެ.
އޮފިޝަލު ވިދާޅުވީ ސްޓޫޑެންޓް ވިސާގައި ބޭރުގައި ކިޔަވަމުންދާ ދަރިވަރުންގެ ޑޮލަރު ލިމިޓަކީ މި ފަހުން ރައީސް ހަމަޖެއްސެއްވި ގޮތަށް 1200 ޑޮލަރުގެ ލިމިޓު ކަމަށެވެ. އަދި ސޯޝަލް މީޑިއާގައި ދައުރުކުރަމުންދާ އީމެއިލްތަކަކީ ބޭރުގައި ދިރިއުޅޭ ރާއްޖޭގެ އާންމުންނަށް ފޮނުވާފައިވާ އީމެއިލްތަކެއް ކަމެށެވެ.
ބީއެމްއެލްއިން ފޮނުވި އީމެއިލް---
އޮފިޝަލު އިތުރަށް ވިދާޅުވީ ބޭރުގައި ދިރި އުޅޭ ދިވެއްސަކުވެސް ކިޔަވަން ފަށައި ސްޓުޑެންޓް ވިސާއާއެކު ބޭންކުގެ ޕޯޓަލް މެދުވެރިކޮށް ޑޮލަރި ލިމިޓު ބޮޑުކުރަން އެޕްލައި ކުރާތާ 24 ގަޑި އިރު ތެރޭ 1200 ގެ ޑޮލަރު ލިމިޓު ހަމަ ޖެހިގެންދާނެ ކަމަށެވެ.
