ވިލިމާލޭ ފެރީ ޓާމިނަލް ސަރަހައްދުގައި އުޅަނދުތައް ޕާކު ކުރާއިރު، ގަވާއިދާ އެއްގޮތަށް ޕާކު ކުރުމަށް ސަމާލުކަން ދިނުމަށް ފުލުހުން އެދިއްޖެއެވެ.
ފުލުހުން ބުނީ ވިލިމާލޭގެ ފެރީ ޓާމިނަލް ސަރަހައްދުގައި ގަވާއިދާ ހިލާފަށް ޕާކު ކޮށްފައި ހުރި ބެޓެރި ސައިކަލުތަކެއް ޓޯކުރުމުގެ މަސައްކަތް ކުރަމުން އަންނަ ކަމަށާއި، ޓާމިނަލް ކައިރީގައި ކަނޑައަޅާފައިވާ ޕާކިން ޒޯނުތަކުގައި ޕާކު ކުރުމަށް ހާއްސަ ސަމާލުކަމެއް ދިނުމަށް އެދޭ ކަމަށެވެ.
ގަވާއިދުތަކަށް ހުރުމަތްތެރިކޮށް ހިތުމަކީ މުޅި މުޖުތަމައުގެ ލާބައާއި މަންފާއަށް ކުރެވޭ މުހިންމު ކަމެއްކަން ފާހަގަކޮށް ފުލުހުން އިލްތިމާސްކޮށްފައި ވަނީ އެފަދަ ސަރަހައްދުތަކުގައި ގަވާއިދާ ހިލާފަށް ޕާކު ނުކުރުމަށެވެ.
ފުލުހުން ބުނީ ގަވާއިދާ ހިލާފަށް ޕާކު ކޮށްފައި ހުންނަ އުޅަނދުތަކާ މެދު ގާނޫނީ އިމުގެ ތެރެއިން ފިޔަވަޅު އަޅަމުން ގެންދާނެ ކަމަށެވެ.
ފުލުހުން މިފަހުން ވެސް ވަނީ މާލޭގެ ގްރީން ޒޯން ސަރަހައްދާއި، ސަލްމާން މިސްކިތް ހިމެނޭ ސަރަހައްދުގެ އިތުރުން ބޮޑުތަކުރުފާނު މަގުގައި ކަނޑައަޅާފައިވާ ޕާކިން ޒޯނުތައް ފިޔަވާ އެހެން ތަންތަނުގައި ޕާކު ނުކުރުމަށް އެދިފައެވެ.
