"ޓޫރިޒަމް ޓްރަސްޓް ފަންޑު" އާ ގުޅޭގޮތުން އަމަލުކުރެވޭނެ އުސޫލުތައް ބަޔާންކުރާ ގަވާއިދު މިއަދު ގެޒެޓުކޮށްފި އެވެ.

ޓޫރިޒަމް މިނިސްޓްރީން އާއްމުކުރި މި އާ ގަވާއިދުގެ މަގުސަދުތަކަކީ ދެފުށް ފެންނަ ސިޔާސަތެއްގެ ދަށުން ދިވެހިރާއްޖޭގެ ޓޫރިޒަމަށް ފަސޭހަކަމާއެކު މާލީ އެހީތެރިކަން ފޯރުކޮށްދިނުމަށް މަގުފަހިކޮށްދީ އެފަދައިން ލިބޭ އެހީ އަމާނާތްތެރިކަމާއެކު ބެލެހެއްޓުމާއި، ޓޫރިޒަމާއި ޓޫރިޒަމްގެ ވަސީލަތްތައް ކުރިއެރުވުމަށާއ،ި ޓޫރިޒަމްގެ ދާއިރާގައި ހަރަކާތްތެރިވާ ފަރާތްތަކުގެ ގާބިލުކަން އިތުރުކުރުމަށްޓަކައި މާލީ އެހީތެރިކަން ފޯރުކޮށްދިނުމާއި ޓޫރިޒަމްގެ ވަސީލަތްތައް ތަރައްގީކުރުމަށް އިންވެސްޓްކުރުމުގެ އިތުރުން މި ފަންޑަށް ޖަމާކުރެވޭ ފައިސާއިނ،ް ގާނޫނު ހުއްދަކުރާ ގޮތުގެ މަތީން އިންވެސްޓްކުރުމެވެ.

މި ފަންޑުގެ ރައުސްމާލު އެކުލެވިގެންވާ މާލީ މަންފާތަކަކީ:

1. ޓޫރިޒަމާބެހޭ މިނިސްޓްރީން ހިންގާ ޓޫރިޒަމްގެ ހަރަކާތްތަކަށް ދިވެހިރާއްޖެއާއި ދިވެހިރާއްޖެއިން ބޭރުގެ ވިޔަފާރިތަކުންނާއި އެހެނިހެން ފަރާތްތަކުން ލިބޭ ސްޕޮންސަރޝިޕް ފައިސާއާއި އެނޫންވެސް ފައިސާ.
2. ޓޫރިޒަމް ދާއިރާގައި ހަރަކާތްތެރިވާ ފަރާތްތަކުން، ޓޫރިޒަމާބެހޭ ގާނޫނުގެ ދަށުން ހަދާ ގަވާއިދުތަކާ އެއްގޮތްވާ ގޮތުގެ މަތީން ކޯޕަރޭޓް ސޯޝަލް ރެސްޕޮންސިބިލިޓީގެ ގޮތުގައި ފަންޑަށް ދައްކާ ފައިސ.ާ
3. ފަންޑުން ގާއިމުކުރާ އިންވެސްޓްމަންޓްތަކުން ލިބޭ ފައިސ.ާ
4. އާންމުކޮށް އިއުލާނުކޮށްގެން ހުޅުވައިލާ ބިޑްތަކުގައި ޓްރެއިނިންއަށް ނަގާ ފައިސާ.

ޓޫރިޒަމާބެހޭ ގާނޫނުގައި ބަޔާން ކޮށްފައިވާ ގޮތުގެ މަތިން މި ފަންޑު ހިންގުމަށްޓަކައި ޓޫރިޒަމް ޓްރަސްޓް ފަންޑުގެ ހިންގާ ކޮމިޓީއެއް މިނިސްޓްރީން އެކުލަވައިލާނެ އެވެ. މި ފަންޑު ހިންގާނީ ފަންޑުގެ ޓްރަސްޓް ސްޓޭޓްމަންޓާ އެއްގޮތަށް މި ފަންޑުގެ ހިންގާ ކޮމިޓީން ކަނޑައަޅާ އުސޫލުތަކާ އެއްގޮތްވާ ގޮތުގެ މަތިން މިނިސްޓްރީންނެވެ.

މި ފަންޑަށް ޖަމާކުރާ ފައިސާ ހަރަދުކުރަން ކަނޑައަޅާފައިވާ ކަންތައްތަކަކީ:

1. ފަތުރުވެރިކަމުގެ ސިނާއަތް ތަރައްޤީކުރުމަށް ހިންގާ ހަރަކާތްތަކަށް
2. ޓޫރިޒަމްގެ ވަސީލަތްތައް ކުރިއެރުވުމަށް ޓަކައި އިންވެސްޓްކުރުމަށ.ް
3. ޓޫރިޒަމްގެ ދާއިރާގައި ހަރަކާތްތެރިވާ ފަރާތްތަކުގެ ޤާބިލުކަން އިތުރުކުރުމަށް ޓަކައި ތަޢުލީމާއި ތަމްރީނު ޕުރޮގުރާމުތައް ހިންގުމަށ.ް
4. އާންމު އިޖުތިމާއީ ފައިދާ ލިބިދެނިވި ހަރަކާތްތައް ހިންގުމަށް.
5. ޓޫރިޒަމް ޓްރަސްޓް ފަންޑު ބޭނުންކުރެވޭނީ ފަންޑު ސްޓޭޓްމަންޓާ އެއްގޮތްވާ ގޮތުގެ މަތިން.

މީގެ އިތުރުންވެސް މި ޓްރަސްޓް ފަންޑުގެ މަގުސަދުތައް ހާސިލުކުރުމަށްޓަކައި ފަންޑުން ކުރާ ހޭދައިގެ މިންވަރު އިތުރުކުރުމުގެ މަގުސަދުގައ،ި ފަންޑުގައިވާ ފައިސާ އިންވެސްޓްކުރާނެ އުސޫލުތަކާއި ފަންދު އޮޑިޓު ކުރުމާއި ފަންޑު ހިންގި ގޮތުގެ ރިޕޯޓުތައް ހަދަންޖެހޭ އުސޫލުތަށްވެސް މި ގަވާއިދުގައި ވަނީ ކަނޑައަޅައިފަ އެވެ.