މި އަހަރު ނިމުމުން ކުރިން ފަލަސްޠީނުގައި އިންތިޚާބެއް ބޭއްވުމަށް ފަލަސްތީނުގެ އޮތޯރިޓީގެ ރައީސް މަހްމޫދު އައްބާސް އަމުރު ކުރައްވައިފި އެވެ.

އައްބާސް ވިދާޅުވާ ގޮތުގައި މި އިންތިޚާބުގައި ޣައްޒާގެ ވެރިކަންކުރާ އަދި ޕީއެލްއޯގެ ސިޔާސަތުތަކާއި ދެކޮޅު ހަދައި އިސްރާއީލާއި ދުޝްމަނު ހަމާސް އަކަށް ބައިވެރިއެއް ނުވެވޭނެ އެވެ. މީގެ އިތުރުން އިސްލާމިކް ޖިހާދަށް ވެސް މި އިންތިޚާބުގައި ބައިވެރި ނުވެވޭނެ ކަމަށާއި އެމީހުންނަށް ތާއީދުކުރާ އެއްވެސް މީހަކަށް މި އިންތިޚާބުގައި ވޯޓެއް ވެސް ނުލެވޭނެއޭވެ.

ޢައްބާސްގެ މި ނިންމުމާއި ގުޅިފައި ވަނީ އެމެރިކާއާއި އިސްރާއީލްގެ އިތުރުން އެ މީހުންނާއި ގުޅިފައިވާ ޤައުމުތަކެވެ. އޭގެތެރޭގައި ކެނެޑާ އާއި ޔޫރަޕްގެ ޤައުމުތައް ހިމެނެއެވެ.

ޣައްބާސް ވިދާޅުވީ އޭނާގެ ދައުލަތުގައި ޣައްޒާ ހިމެނޭ ކަމަށާއި އަދި އޭނާގެ ސިފައިން ފިޔަވައި ފިޔަވައި އެހެން އެއްވެސް ބައެއްގެ އަތުގައި ހަތިޔާރު ހުރެގެން ނުވާނެ ކަމަށެވެ. އެހެންކަމުން، ޙަމާސް އަތުގައި ހަތިޔާރު ހުރެގެން ނުވާނެ ކަމަށާއި ފަލަސްޠީނުގެ ފަރާތުން އިސްރާއީލަށް އަމާންކަން ލިބެންޖެހޭނެ ކަމަށް އޭނާގެ ވާހަކަފުޅުން މާނަ ކުރެވެއެވެ.

"އަޅުގަނޑުމެން ބޭނުންވަނީ ޣައްޒާ ހިމެނޭ ގޮތަށް ފަލަސްޠީނުގެ ދައުލަތަކީ ސިފައިންގެ އަތުގައި ފިޔަވައި އެހެން ބައެގެ އަތުގައި ހަތިޔާރު ނުހުންނަ ދައުލަތަކަށް ހަދަން، އަދި ޕީއެލްއޯ ގެ ޕްރޮގްރާމާއި ކޮމިޓްމަންޓްތަކަށް ތަބާނުވާ ސިޔާސީ ޕާޓީތަކާއި ރައްޔިތުން ނުހިމެނޭ އާންމު އިންތިޚާބެއް ބޭއްވުމަށް އަޅުގަނޑުމެން މިދަނީ ތައްޔާރުވަމުން" ޢައްބާސް ވިދާޅުވިއެވެ.

މިގޮތަށް އިންތިހާބު ބާވާފި ނަމަ ފަލަސްޠީނުގެ ގިނަ ރައިތުންގެ ތާއީދު އޮންނަ މުޖާހިދުންގެ ޖަމާއަތްތަކަށް ޚާއްޞަ ޙަމާސް އަދި އިސްލާމިކް ޖިހާދަށް އިންތިހާބުގައި ބައިވެރިއެއް ނުވެވޭނެވެ.

އެންމެ ފަހުން ފަލަސްޠީނުގައި އިންތިޚާބު ބާވާފައި ވަނީ 2006 ވަނަ އަހަރުގައެވެ، އެ ފަހަރު ޙަމާސް ވަނީ ބޮޑުތަނުން މަޙްމޫދު އައްބާސް ބަލިކޮށްފައެވެ، ގަތަރުގެ ޢައްބާސަށް 43 ގޮނޑި ލިބިވަޑައިގެންނެވިއިރު ޙަމާސްގެ ފަރާތުން ވާދަކުރި ޚާލިދު މަޝާލް ވަނީ 73 ގޮނޑި ކާމިޔާބު ކުރައްވާފައެވެ.