މިއަދުގެ ވަގުތެއްގައި ލާހޯރަށް އީރާނުގެ ރައީސް މަސްޢޫދު ޕީޒިޝްކިޔާން ވަޑައިގެންފައި ވާތީވެ އެ ޤައުމު އޮތީ ވަރަށް ހައި އެލާޓުގައި ކަމަށް ޚަބަރު ލިބިއްޖެއެވެ.

އީރާނުގެ ރައީސްގެ މި ދަތުރުފުޅަކީ ވެރިކަމާއި ޙަވާލުވެވަޑައިގެންނެވި ފަހުން އޭނާގެ ފުރަތަމަ ރަސްމީ ބޭރުގެ ދަތުރުފުޅެވެ. އޭނާ މި ދަތުރުފުޅު ކުރެއްވި އިރު ވެސް އޭނާ އަވަހާރަކޮށްލަން އިސްރާއީލުން ރާވާފައިވާ ކަން ފާހަގަ ކުރެވެއެވެ.

އޮފިޝަލުން ބުނާ ގޮތުގައި ރައީސް ޕީޒިޝްކިޔާން އިސްލާމްއާބާދުގައި ރައީސް އާސިފް އަލީ ޒަރުދާރީ އާއި ބޮޑުވަޒީރު ޝެހްބާޒް ޝަރީފްގެ އިތުރުން މަދަނީ އަދި އަސްކަރީ މުހިންމު އެހެން ލީޑަރުންނާ ބައްދަލު ކުރައްވާނެ އެވެ.

ޕާކިސްތާނުގެ ދާޚިލީ މިނިސްޓްރީން ކަށަވަރުކޮށްދީފައިވާ ގޮތުގައި ސަލާމަތީ ހުރިހާ ޕްރޮޓޮކޯލްތަކެއް ގާއިމްކޮށްފައިވާއިރު، އެލައިޓް ފޯސްތައް ވަނީ ނެރެފައެވެ. އަދި އެއާ ސަވައިލެންސް ހަރަކާތްތެރިވެ، އީރާނުގެ ރައީސް ޒިޔާރަތް ކުރައްވާނެ ތަންތަނުގެ ވަށައިގެން "ރެސްޓްރިކްޓެޑް އެކްސެސް ޒޯންތައް" ވެސް ގާއިމްކޮށްފައިވެއެވެ. މި ދަތުރުފުޅުގައި އީރާނާއި ޕާކިސްތާނުގެ އިދާރާތަކުގެ މެދުގައި ވެސް ވަނީ ޖާސޫސީ މައުލޫމާތު ހިއްސާކުރުން ވަރުގަދަކޮށްފައެވެ.

ފާހަގަކޮށްލަން ޖެހޭ ކަމަކީ އިސްރާއީލުން ވަނީ އީރާނުގެ ކުރީގެ ރައީސް ރައީސީ ވެސް އަވަހާރަކޮށްލާފައެވެ..

ރައީސް ޕީޒިޝްކިޔާންގެ މި ދަތުރުފުޅަކީ ދެދުވަހުގެ ދަތުރުފުޅެކެވެ.