ދުނިޔެއަށް ހަމަލާ ދިނުމަށް ކަމަށް ބެލެވޭ ވަރަށް ބޮޑު އުޅަނދެއް މަޚްލޫޤުންނާއި އެކު ދުނިޔެއާއި ދިމާލަށް ވަރަށް ބާރަށް ދަތުރުކުރަމުން އަންނަ ކަމަށް ހާވާޑްގެ ސައެންސްވެރިންގެ ޓީމަކުން ބުނެފިއެވެ.
ހާވާޑްގެ ސައިންސްވެރިން ލަފާކުރާ ގޮތުގައި މި ބޯޓުގެ ފުޅާމިނަކީ ގާތްގަނޑަކަށް 12 އާއި 20 ކިލޯމީޓަރެވެ. އެހެންކަމަށްވާނަމަ އެއީ މާލޭ ވަރުގެ ގާތްގަނޑަކަށް 3 އާއި 5 ގުނަ ބޮޑު އުޅަނދެކެވެ.
ނިއުޔޯކް ޕޯސްޓުގައިވާ ގޮތުގައި ހާވާޑްގެ އެސްޓްރޯފިޒިސިސްޓް އަވީ ލޯބް އާއި އޭނާގެ ޓީމުން ކުރި ދިރާސާއަކުން ދައްކާ ގޮތުގައި މި ދެންނެވި ބޯޓު ނޮވެމްބަރު މަހުގެ ކުރީކޮޅު ދުނިޔެއާއި ހަމަޔަށް ވާޞިލް ވާނެ ކަމަށް ބެލެވެއެވެ. އެ އާޓިކަލް ބުނާ ގޮތުގައި މި އުޅަނދު ގަޑިއަކު 130،000 މޭލަށް ވުރެ ބާރުމިނުގައި ދަތުރުކުރެއެވެ. އެހެން ކަމަށް ވާނަމަ މި ބުނާ އުޅަނދެއް ބަރާބަރު 20 މިނެޓުތެރޭ ދުނިޔެ ވަށައި ބުރެއް ޖަހާނެއެވެ.
މި ދިރާސާއާއި މެދުގައި ބައެއް ސައެންސްވެރިންގެ ޚިޔާލު ތަފާތުވުން އުޅޭއިރު، ފާހަގަކޮށްލަން ޖެހޭ ކަމަކީ މަޝްހޫރު ބާބާ ވަންގާ އާއި ބްރެޒިލްގެ ސައިކިކް އެތޯސް ސަލޯމީ ވަނީ މި އަހަރުތެރޭގައި އިންސާނުންނާއި އޭލިއަނުން ދިމާވާނެ ކަމަށް ލަފާ ކޮށްފައެވެ. މި ދެމީހުންނަކީ ކުރިޔަށް ވާން ހުރި ކަންކަން ބުނެދިނުމުގައި ދުނިޔޭގައި މަޝްހޫރުކަން ހޯދާފައިވާ ދެމީހުންނެވެ.
ބަލްގޭރިއާގެ ލޯފަން އަންހެނެއް ކަމަށްވާ ބާބާ ވަންގާ ވަނީ އެމެރިކާގެ ޓްރޭޑް ސެންޓަރު ގޮއްވައިލި ޙަމަލާ ވެސް އޭގެ 10 އަހަރު ކުރިން ލަފާ ކޮށްފައެވެ. އަދި ސީރިއާގައި މުސްލިމުންގެ ބޮޑު ހަނގުރާމައެއް ފަށަން އުޅޭ ކަމަށާއި އައިއެސް އުފެދިގެންދާނެ ކަމަށް ވެސް ލަފާކުރިއެވެ. ބައެއް ފަރާތްތަކުން ތުހުމަތު ކުރާ ގޮތުގައި ބާބާ ވަންގާ އަކީ މުސްލިމުންގެ ޢަޤީދާ ބަލިކަށިކޮށްލުމަށް ހުޅަނގުން ގެންގުޅޭ “ހަތިޔާރެކެވެ”.
