ލ. މާވަށުގައި މީހެއްގެ ކަރަށް ވަޅި ހަރާލައި މަރާލައިފިއެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ މި ހާދިސާ ހިނގިކަމުގެ ރިޕޯޓު ފުލުހުންނަށް ކޮށްފައިވަނީ މިއަދު 10:12 ހާއިރުކަމަށެވެ.

އަދި އަނިޔާވި މީހާ ހޮސްޕިޓަލަށް ގެންދިޔަ އިރު ވެސް އޮތީ މަރުވެފައިކަމަށް ބުންޏެވެ.

އެނގިފައިވާގޮތުގައި އެމީހާ މަރުވީ ކަރަށް ވަޅިހެރުމުންނެވެ. އޭނާއަށް ހަމަލާދިނީ ރަށުން ބޭރުން އައިސްގެން އުޅުނު އެހެން ރަށެއްގެ މީހެއް ކަމަށްވެ އެވެ.

މި ހާދިސާގައި މަރުވެފައިވަނީ ނަލަހިޔަ/ ލ.މާވަށް، މޫސާ އިބްރާހީމް (29އ) އެވެ.

ފުލުހުން ދަނީ މި މައްސަލަ ތަހުގީގު ކުރަމުންނެވެ.