ޔޫކްރެއިނަށް މިހާތަނަށް ދިން އެންމެ ބޮޑު ވައިގެ ހަމަލާ ރަޝިޔާއިން މިއަދު ދީފިއެވެ. މި ހަމަލާގައި 728 ޑްރޯނާއި 13 ކްރޫޒް ނުވަތަ ބެލިސްޓިކް މިސައިލް ބޭނުންކޮށް، ޔޫކްރެއިންގެ އެތައް ސަރަޙައްދަކަށް ރަޝިއާގެ ޙަމަލާތައް އަމާޒުކޮށްފައިވާ ކަމަށް ޚަބަރުތައް ބުނެއެވެ.

ޕޫޓިންގެ މި ބޮޑު ހަމަލާ ޔުކްރޭނަށް ދީފައިވަނީ އެމެރިކާގެ ރައީސް ޑޮނަލްޑް ޓްރަމްޕް، ޔޫކްރެއިނަށް ދެމުންދިޔަ އަސްކަރީ އެހީ ހުއްޓާލުމަށް ނިންމި ނިންމުން ބަދަލުކޮށް، އަލުން ހަތިޔާރު ފޯރުކޮށްދޭން ފެށުމަށް ނިންމިތާ މަދު ގަޑިއިރެއްގެ ތެރޭގައެވެ.

މިވަގުތުވެސް ރަޝިއާއިން ދަނީ ޔުކްރޭނަށް ޙަމަލާ ދެމުންނެވެ. މިއަދު ދިން ޙަމަލާތަކުގައި ޔުކްރޭނުގެ 99 ލަގްޒަރީ ވިލާ އާއި 42 އެޕާޓްމަންޓާއި، ގޭސް ސްޓޭޝަނާއި، ސްކޫލާއި ހޮސްޕިޓަލެއް ވެސް ވަނީ ބޭނުންނުކުރެވޭވަރަށް ހަލާކު ކޮށްލާފައެވެ.

މުޙައްލިލުންނާއި ޙަވާލާދީ ބީބީސީން ރިޕޯޓްކޮށްފައިވާ ގޮތުގައި، ރަޝިއާއިން މި ޙަމަލާ ދިނީ އެމެރިކާއިން ޔުކްރޭނަށް އަލުން އެހީ ދޭން ފެށުމުން އެކަމަށް ދިން ސީދާ ރައްދެއްގެ ގޮތުގައެވެ.

މި ހަމަލާތައް ދިނުމުގައި ރަޝިއާއިން ޔުކްރޭންގެ ޢާންމުންނަށް ޓާގެޓް ނުކުރާ ކަމަށް ނުރަސްމީ ޗެނަލް ތަކުން ބުނެއެވެ. ޙަމަލާތަކުގައި މަރުވި މީހުންގެ ތަފްސީލެއް އަދި ނުލިބެއެވެ.