Houthi inge varugadha hamalaa thanked, Yahoodheenge boat elves fahthaalaifi

ޚުލާސާ

ހޫޘީންގެ އަސްކަރީ ތަރުޖަމާނު ވިދާޅުވި ގޮތުގައި އިސްރާއީލުގެ ރަމޮން (ލޯޑް) އެއާޕޯޓް، އަޝްޑޯޑް ޕޯޓް، އަދި އިތުރު ތަންތަނަށް ވެސް ޙަމަލާދީފި. ރަތްކަނޑުގައި ބޯޓެއްވެސް ފައްތާލައިފި.

ޔަމަނުގެ ހޫޘީންގެ ވަރަށް ވަރުގަދަ ޙަމަލާތަކެއް މިވަގުތު އިސްރާއީލަށް އެބަ އަމާޒު ކުރެއެވެ.

ފަލަސްޠީނު ރައްޔިތުންގެ ދިފާޢުގައި އިސްރާއީލުގެ އަނިޔާވެރިކަމަށް ޖަވާބެއް ދިނުމުގެ ގޮތުން ކަމަށް ބުނެ ދެމުންދާ ޙަމަލާތަކުގައި އިސްރާއީލުގެ އެތައް ތަނަކާއި އަދި ރަތް ކަނޑުގައި ހަރަކާތްތެރިވާ ޔަހޫދީންނަށް މުދާ އުފުލައިދޭ އުޅަނދުތަކަށް އަމާޒުކޮށްގެން ވެސް ދަނީ ޙަމަލާތައް ދެމުންނެވެ.

ހޫޘީންގެ އަސްކަރީ ތަރުޖަމާނު ބްރިގޭޑިއާ ޖެނެރަލް ޔަހްޔާ ސާރީ ވިދާޅުވި ގޮތުގައި ކޯޑިނޭޓްކޮށްގެން ދިން ހަމަލާގެ ތެރޭގައި އިސްރާއީލުގެ ރަމޮން (ލޯޑް) އެއާޕޯޓް، އަޝްޑޯޑް ޕޯޓް، އަދި އަޝްކަލޯން ގެ އިންޖީނުގެއަކަށް ވެސް ހައިޕަރސޮނިކް ބެލިސްޓިކް މިސައިލުން ޙަމަލާދީފައި ވެއެވެ

^{އިސްރާއީލަށް މިހާރު ދެމުންދާ ޙަމަލާތަކާއި ބެހޭގޮތުން ހޫޘީންގެ އަސްކަރީ ތަރުޖަމާނު ބްރިގޭޑިއާ ޖެނެރަލް ޔަހްޔާ ސާރީ ދެންމެ ވާހަކަފުޅު ދެއްކެވުން (ސްކްރީންޝޮޓް)}

ޔަހްޔާ ސާރީ ވިދާޅުވީ، 8 ޑްރޯން ޙަމަލާ އާއި މިސައިލް ވެސް ވަނީ އުމް އަލް ރަޝްރަޝް (އީލާތު) ބަނދަރަށް އަމާޒުކޮށްފަ އެވެ.

އަދި ވަކިން ކަނޑުމަތީގައި ދިން ހަމަލާތަކުގައި އިސްރާއީލުގެ މުދާ އުފުލައިދޭ ގްރީސްގެ ކުންފުނި ސްޓެމް ޝިޕިން އިން ހިންގާ ލައިބީރިއާގެ ދިދަ ޖަހާފައިވާ އުޅަނދެއް ކަމަށްވާ އެމްވީ މެޖިކް ސީސް ވެސް އަޑިއަށް ފައްތާލާފައިވާ ކަމަށް ޔަހްޔާ ސާރީ ވިދާޅުވިއެވެ.

މީގެ އިތުރުން އެހެން ބޯޓެއް ކަމަށްވާ އެޓަރނިޓީ ސީ އަށް ވެސް ޔަމަނުގެ ހުދައިދާ ބަނދަރުގެ ހުޅަނގު ދެކުނުން ހަމަލާދީފައިވާއިވެއެވެ. ހޫޘީންގެ ޙަމަލާތަކުގައި ބޯޓުގެ ދެ ފަޅުވެރިން ވަނީ ކަނށަށް ވެއްޓި ގެއްލިފައެވެ.

ހޫޘީން މި ޙަމަލާތައް ދިނީ އިއްޔެރޭ އިސްރާއީލުން ހޫޘީންގެ އަމާޒުތަކަށް ވަރަށް ވަރުގަދަ ކުއްލި ޙަމަލާތަކެއް ދީފައި ވަނިކޮށްކަން ފާހަގަ ކުރެވެއެވެ.