ރެކޯޑް ޢަދަދެއްގެ ކޮކެއިން އާއެކު ބޯޓެއް މިދިޔަ ހަފްތާގައި ހިފަހައްޓައިފިއެވެ. ޕެނަމާގެ ދިދަ ނަގައިގެން އޮޕަރޭޓް ކުރާ "އެސްއެމް ޑާންޓޭ" ނަމަކަށް ކިޔާ މި ބޯޓުގައި ހުރީ އޮސްޓްރޭލިއާއަށް ގެންދަން އުޅުނު 2.5 ޓަނުގެ ކޮކެއިން އެވެ. ފަރަންސޭސި ނޭވީން މި ބޯޓު ހިފެހެއްޓިީ މިދިޔަ މަހުގެ 25 ވަނަ ދުވަހު ދިވެހިރާއްޖެއާ ގާތްގަޑަކަށް 6,400 މޭލު (10,300 ކިލޯމީޓަރު) ދުރުގައި، ނިއު ކެލެޑޯނިއާ ކައިރިން، ޕެސިފިކް ކަނޑުގެ ތެރެއިންނެވެ.

ޕެރޫއިން ފުރައިގެން ދަތުރުކުރަމުންދިޔަ މި ބޯޓުގައި ތިބި ހަތް މީހުން ކަމަށާއި އެއީ އިކުއެޑޯގެ 5 މީހުންނާއި ދެ ޕޯޗުގީޒުން ކަމަށް ޚަބަރުތައް ބުނެއެވެ.

މި ހާދިސާ ހިނގާފައިވަނީ އިންޑިއާ ކަނޑާއި ދުރުގައި ކަމަށް ވިޔަސް، ދިވެހިރާއްޖޭގެ ކަނޑުގެ ސަރަހައްދުތަކާއި ގާތުން މަސްތުވާތަކެތި ހިފަހައްޓާކަން ފާހަގަ ކުރެވެއެވެ.

މިދިޔަ މަހު ރާއްޖޭގެ ކަސްޓަމްސްއިން ވަނީ ވައިގެ މަގުން ރާއްޖެއަށް އެތެރެކުރަން އުޅެނިކޮށް 26 މިލިއަން ރުފިޔާގެ 18 ކިލޯގެ ކެނަބިނޮއިޑްސް ހިފަހައްޓާފައެވެ. އަދި 2023 ވަނަ އަހަރުގެ ފަހުކޮޅުން ފެށިގެން މި އަހަރުގެ މެދުތެރެއާ ހަމައަށް، 18 މަސްދުވަހުގެ އޮޕަރޭޝަނެއްގައި، 726 ކިލޯގެ މަސްތުވާތަކެތި ވަނީ އަތުލައިގަނެ، 1,580 މީހުން ހައްޔަރުކޮށްފައެވެ.

މިހާތަނަށް ރާއްޖެއިން އެންމެ ގިނަ އަދަދަށް މަސްތުވާތަކެތި އަތުލައިގެންފައިވަނީ 2006 ވަނަ އަހަރު، އއ. އަތޮޅުންނެވެ. ފާރެއްގެ ކައިރީގައި ފޮރުވާފައި ހުރި 1.6 ޓަނުގެ ކެނެބިސް އެފަހަރު ފެނުނީ ލަނޑާ ނަގަން އުޅުނު ބަޔަކަށެވެ.

އެފަހަރު މަސްތުވާތަކެތި ނައްތާލާ ކޮމެޓީން ބުނީ އެ ތަކެއްޗަކީ ބޭރުގެ ޤައުމަކަށް ގެންދިޔުމަށްޓަކައި ރާއްޖެ ސަރަޙައްދުގައި "ޕޮޓް ކޮށްފައިވާ" މަސްތުވާތަކެތި ކަމަށް ތަޙްޤީޤުން އެނގިފައިވާ ކަމަށެވެ. އެތަކެތި ވަނީ ވަރަށް ކުރު މުއްދަތެއްގެ ތެރޭގައި އަންދާލާފައި ކަން ފާހަގަ ކުރެވެއެވެ.

މީގެއިން އެނގެނީ އިންޑިއާ ކަނޑުގައި މަސްތުވާތަކެތި އެތެރެކުރާ މީހުންނަށް ދިވެހިރާއްޖެއަކީ ބޭނުންކުރެވޭ މުހިންމު ނިޒާމެއް ކަމެވެ. މި މީހުން ވައިގެ މަގާއި، ކަނޑުގެ މަގާއި، ޕޯސްޓްގެ މަގުތައް ބޭނުންކުރެއެވެ.

މިފަހަރު ނިއު ކެލެޑޯނިއާ ކައިރިން ހިފެހެއްޓި 2.5 ޓަނުގެ ކޮކެއިންގެ މައްސަލަ ރާއްޖެއާ ދުރުގައި ހިނގި ނަމަވެސް، ރާއްޖެއާ ގާތުން މަސްތުވާތަކެތި އެތެރެކުރުމުގެ މައްސަލަ އަދިވެސް ވަރަށް ސީރިއަސް މައްސަލައެއްގެ ގޮތުގައި ސަރުކާރުން ނަގައެވެ.