އީރާނުން ފަސްވަނަ ޖީލުގެ ހައިޕާ ސޮނިކް މިސައިލް ބޭނުންކުރަން ފެށުމުން އިސްރާއީލްގެ ރައްޔިތުން ބިރުން ސިހިއްޖެއެވެ. އެތައް ޢިމާރާތެއް ބިމާއި ހަމަވެ ޢިމާރާތްތަކުގެ ދަށުގައި ތާށިވެ، ވަޅުލެވިފައި ތިބި މީހުން ސަލާމަތް ކުރުމުގައި އިސްރާއީލުގެ ރެސްކިއު ޓީމުތަކުން ދަނީ އަވަދިނެތި މަސައްކަތް ކުރަމުންނެވެ.
އިސްރާއީލަށް ކުރިން ހީވެފައި އޮތީ ޣައްޒާ އާއި ލުބުނާން ތަޅައި ތިރިކޮށްލުމުން އެމީހުންނަކީ އެން،ެ ބާރުގަދަ މީހުން ކަމަށެވެ. ނަމަވެސް އީރާނާއި ޖެހުމުން އިސްރާއީލުގެ އަސްލު ނިކަމެތިކަން މިހާރު ފެންނަން ފަށައިފިއެވެ.
ޓެލް އަވީވް އަދި ހައިފާ އާއި އެހެނިހެން ސަރަހައްދުތަކަށް އަމާޒުވި މިސައިލްތަކުން ތިރީހަކަށް މީހުން މަރުވި ކަމަށް އެކި މަސްދަރުތަކުން ބުނެއެވެ.
Advertisement
އީރާނުގެ މިސައިލްތަކަކީ އަޑަށް ވުރެ 16 ގުނަ ބާރަށް ދަތުރުކުރާ މިސައިލްތައް ކަމަށް ވުމުން އެމެރިކާގެ އެންމެ ޒަމާނީ ޑިފެންސް ސިސްޓަމް ތަކަށް ވެސް އެ ހަމަލާތައް ހުއްޓުވޭނެ ހަމަ އެއްވެސް ގޮތެއް ނެތެވެ. އެމީހުންނަށް ހުއްޓުވެނީ އާދައިގެ މިސައިލްތަކާއި ޑްރޯން ހަމަލާތަކެވެ. އަޔަން ޑޯމް އާއި ޑޭވިޑްސް ސްލިންގް، އަދި އެރޯ ސިސްޓަމްތައް އީރާނުގެ މިސައިލްތަކުގެ ކުރިމަތީގައި މުޅިން ބަލިކަށިވެއްޖެއެވެ.
އެންމެ ފަހުން ރޭ އީރާނުން ފޮނުވައިލި މިސައިލުވެސް އިސްރާއީލުގެ ބިމުއަޑީގެ ބިންގަރާހަކަށް އެރުމުގެ ސަބަބުން ތިން މީހަކު މަރުވެ، 30 އަށް ވުރެ ގިނަ މީހުންވަނީ ޒަޚަމުވެފައެވެ. މި ބިންގަރާހަކީ މިސައިލް ހަމަލާތަކުން ރައްކާތެރިކަން ހޯދުމަށް އިސްރާއީލް ރައްޔިތުން ވަނުމަށް ހަދާފައިވާ ބިންގަރާހެކެވެ. އެތަނުގެ ތެރޭގައި ރައްކާތެރިކަން ހޯދައިގެން ތިބި މީހުން މަރުވެ އެތައް ބަޔަކު ޒަޚަމް ވުމުން ޢަރަބިންގެ ކުރިމަތީގައި ވެސް މިހާރު ވަނީ އެމެރިކާގެ ދިފާޢީ ސިސްޓަމްތައް އީރާނުގެ ކުރިމަތީގައި ނާޤާބިލް އެއްޗަކަށް ވެފައެވެ. އެހެނީ އީރާނުގެ ފަސްވަނަ ޖީލުގެ އެ މިސައިލްތައް ވަނީ އިސްރާއީލު ބޭނުންކުރާ ދުނިޔޭގެ އެންމެ އެޑްވާންސް އަދި އެންމެ ސޮފިސްޓިކޭޓެޑް ވައިގެ ދިފާއީ ނިޒާމުގެ ހަ ނިޒާމު ފޫއަޅުވާލާފައެވެ. އެއީ،
1- އެމެރިކާގެ އެހީގައި އިސްރާއީލުގައި އުފައްދާފައިވާ "އާރޯ ވަން"
2- "އާރޯ ޓޫ"
3- އަޔަންޑޯމް
4- ޑޭވިޑް ސްލިންގް
5- އެމެރިކާގައި އުފައްދާ އެންމެ އެޑްވާންސް ނިޒާމް "ތާޑް"
6- އެމެރިކާގައި އުފައްދާ އެންމެ އެޑްވާންސް ނިޒާމް "ޕެޓްރިއޮޓް"
މި ސަބަބާއި ހުރެ އެމެރިކާ ވެސް އީރާނަށް ޙަމަލާ ދިނުމަކީ ނާދިރު ކަމެއް ކަމަށް މުޙައްލިލުން ބުނެއެވެ. ސަބަބަކީ އީރާނުގެ މިސައިލް ޙަމަލާއެއް އަރައި އެމެރިކާގެ މަނަވަރު ނުވަތަ ޖެޓްތައް ގޮއްވާލުމުގެ ބިރު އޮތުމުން، އެފަދަ ކަމެއް ދިމާވެއްޖެނަމަ މުޅި ދުނިޔެއަށް އެމެރިކާ ފަޟީޙަތްވާނެތީއެވެ.
އީރާނުގެ ހައިޕާސޮނިކް މިސައިލެއް އެރުމުގެ ސަބަބުން އިސްރާއީލުގެ އެންމެ ބޮޑު ނިއުކްލިޔާ ރީސާޗް މަރުކަޒުކަމަށްވާ ވައިޒްމަން އިންސްޓިޓިއުޓް ހަލާކުވެފައި.
ޒަމާނީ ހައިޕަރ ސޮނިކް މިސައިލްތައް ބޭނުންކޮށްގެން އީރާނުން ދެމުންދާ ޙަމަލާތަކުގައި އިސްރާއީލުން މިހާރު ވެސް 22 މީހުން މަރުވެ 500 އެއްހާ މީހުން ޒަޚަމް ވެއްޖެއެވެ. އިސްރާއީލުގެ މީޑިއާއަކުން ބުނި ގޮތުގައި އެއީ؛
- މިމަހުގެ 14 ވަނަ ދުވަހު 5 މީހުން މަރުވެ 63 މީހުން ޒަޚަމް.
- މިމަހުގެ 15 ވަނަ ދުވަހު 9 މީހުން މަރުވެ 200 މީހުން ޒަޚަމް
- އިއްޔެ 8 މީހުން މަރުވެ 100 އެއްހާ މީހުން ޒަޚަމް.
މަރުވާ މީހުންނާއި ލިބެމުންދާ ގެއްލުންތައް އިސްރާއީލުން ދަނީ ސިއްރު ކުރަމުންނެވެ. ނަމސވެސް ނޫސް ރިޕޯޓަރުންނަށް ހުރިހާ ކަމެއް އިސްރާއީލަކަށް ސިއްރެއްވެސް ނުކުރެއެވެ.
އީރާނުން ދެމުންދާ ޙަމަލާތަކުގައި އިސްރާއީލުގެ ނިއުކްލިޔާ މަރުކަޒުތަކާއި މިލިޓްރީ ރީސާޗް މަރުކަޒުތަކާއި ކޮމާންޑް އެންޑް ކޮންޓްރޯލް މަރުކަޒުތަކަށް ވެސް ބޮޑެތި ގެއްލުންތަކެއް ލިބިފައިވާ ކަމަށް ވެއެވެ.
އިސްރާއީލު ރައްޔިތުންނަށް މިހާރު ކަށަވަރުވާ ކަމަކީ އީރާނުގެ ކުރިމަތީގައި އެމީހުންނަކަށް ރައްކާތެރިކަމެއް ނެތް ކަމަށެވެ.
