އޭއެފްސީ އޭޝިއަން ކަޕް 2027 ކޮލިފައިންގ ގައި ޓިމޯ ލެސްޓޭއާ ކުރިމަތިލުމަށް ދިވެހި ޤައުމީ ޓީމު އޮސްޓްރޭލިއާއަށް ދަތުރު ފަށައިފިއެވެ. މިއީ އޮސްޓްރޭލިއާ ދަނޑުގައި ދިވެހިން ކުޅޭ ފުރަތަމަ މެޗެވެ.
މި ދަތުރުގައި، ދިވެހި ޓީމު ފުރަތަމަ ދިޔައީ ސިންގަޕޫރަށެވެ. މިމަހުގެ 5 ގައި ބިޝަން ސްޓޭޑިއަމްގައި ސިންގަޕޫރާއި ދެކޮޅަށް ފްރެންޑްލީ މެޗެއް ރާއްޖެ އިން ކުޅުނެވެ. މި މެޗުގައި ދިވެހި ޓީމު 3-1 އިން ބަލިވިއިރު މިއީ އޮސްޓްރޭލިއގައި ކުޅޭ މެޗަށް ތައްޔާރުވުމަށް ކުޅުނު މެޗެކެވެ. ސިންގަޕޫރުގެ ޓިމީމަށް ގޯލުތައް ޖެހީ އަމީރުލް އަދުލީ އާއި އިޚްސާން ފަންޑީ (2 ގޯލު) އެވެ. ދިވެހިރާއްޖޭގެ ހަމައެކަނި ގޯލު ޖެހީ އަހުމަދު ރިޒުވާނެވެ. އެއީ ޕެނަލްޓީއަކުންނެވެ.
މިމަހުގެ 10 ގައި އޮސްޓްރޭލިއާގެ ޑާވިންގައި، ޓީއާރުއެލް ސްޓޭޑިއަމްގައި ޓިމޯ ލެސްޓޭއާ ދެކޮޅަށް ކުޅޭ މެޗަކީ ހަގީގަތުގައި ޓިމޯ ލެސްޓޭގެ ހޯމް މެޗެވެ. ނަމަވެސް، އެ ގައުމުގައި ފީފާ ސެޓިފައިޑް ސްޓޭޑިއަމެއް ނެތުމުގެ ސަބަބުން މި މެޗު އޮސްޓްރޭލިއާގައި ބާއްވާ ގޮތަށް ހަމަޖެހުން އެވެ.
ދިވެހި ޓީމުގެ ހެޑް ކޯޗު އަލީ ސުޒެއިން ވިދާޅުވީ ޓީމު މި މެޗަށް ރަނގަޅަށް ތައްޔާރުވެފައިވާ ކަމަށެވެ. މެޗަކީ ދިވެހި ޓީމަށް ވަރަށް މުހިންމު މެޗެކެވެ. އޭޝިއަން ކަޕް 2027 ކޮލިފައިންގ ގައި ކުރިން ކުޅުނު މެޗުގައި ފިލިޕީންސް އަތުން ބަލިވެފައިވާތީ، މި މެޗުން ޕޮއިންޓެއް ހޯދުމަކީ ދިވެހި ޓީމަށް މުހިންމު ކަމެކެވެ.
