މޯލްޑިވްސް އިމިގްރޭޝަން އަށް 50 ޓްރެއިނީ އޮފިސަރުން ނެގުމަށް މިއަދު ކުރިއަށް ގެންދާ "ވޯކް-އިން" އިންޓަވިއުއަށް ބޮޑު ތަރުހީބެއް ލިބިއްޖެ އެވެ.
މި އިންޓަވިއުތައް ކުރިއަށް ގެންދަނީ މިއަދު ހެނދުނު 9:00 އިން ފެށިގެން ހަވީރު 5:00 އަށް ގަލޮޅު ސްކޫލުގަ އެވެ.
އިމިގްރޭޝަނުން ބުނީ މި އިންޓަވިއުއަށް ބޮޑު ތަރުހީބެއް ލިބިފައިވާއިރު، އިންޓަވިއުގައި ބައިވެރިވާން ގިނަ އަދަދެއްގެ ޒުވާނުން ގޮސްފައިވާ ކަމަށެވެ. އަދި އިންޓަވިއުގައި ބައިވެރިވާން ގަލޮޅު ސްކޫލްގައި ދިގު ކިއުއެއް ދަމާލާފައިވާ ކަމަށް ވެސް ބުންޏެވެ.
އިމިގްރޭޝަންގެ ކޮންޓްރޯލަރު އަހްމަދު ފަސީހު ވަނީ މި އިންޓަވިއުތަކަށް ޒުވާނުންގެ ފަރާތުން ލިބުނު ބޮޑު ތަރުހީބު ފާހަގަކޮށް، އެ އިދާރާއާއި ގުޅުމަށް ހުރި ޝައުގުވެރިކަމަށް ޝަކުރު އަދާކުރައްވައިފަ އެވެ.
އިމިގްރޭޝަން ޓްރެއިނީ އޮފިސަރުންނަށް ނަގާ މީހުންގެ ހުންނަ ޖެހޭ ޝަރުތުތަކުގެ ތެރޭގައި ހިމެނެނީ އޯލެވެލް ނުވަތަ އެއާއި އެއްފެންވަރުގެ އިމްތިހާނެއްގައި ދަށްވެގެން ދެ މާއްދާއިން "ޑީ" ލިބިފައި ވުމާއިއެކު، އޯލެވެލް ނުވަތަ އޭލެވެލްގައި ދިވެހިން ދަށްވެގެން "ސީ" ލިބިފައިވުމެވެ. ނުވަތަ އެމްއެންކިއުއެފް ލެވެލް 3 ސެޓްފިކެޓް ފުރިހަމަކޮށްފައިވުމެވެ.
އުމުރުން 40 އަހަރަށް ވުރެ ދޮށީ މީހަކަށް ވެގެން ނުވާނެ ކަމަށް ވެސް ޝަރުތުތަކުގައިވެ އެވެ.
