އެމެރިކާ އާއި ޗައިނާއާ ދެމެދު ދިގު މުއްދަތަކަށް ދެމިގެންދިޔަ ވިޔަފާރީގެ ހަނގުރާމަ ނިންމުމަށްޓަކައި، ދުނިޔޭގެ އެންމެ ބޮޑު ދެ އިޤްތިޞާދުގެ މެދުގައި މަތީ ފެންވަރުގެ މަޝްވަރާތަކެއް ޖެނީވާގައި ފަށައިފިއެވެ. މިދިޔަ ހަފްތާ ބަންދުގައި، އެމެރިކާގެ ޓްރެޜަރީ ސެކްރެޓަރީ ސްކޮޓް ބެސެންޓް އަދި ވިޔަފާރީގެ ރެޕްރެޒެންޓެޓިވް ޖޭމިސަން ގްރީރ، ޗައިނާގެ ނައިބު ބޮޑުވަޒީރު ހީ ލިފެންގ އާއެކު 10 ގަޑިއިރަށްވުރެ ގިނައިރުގެ މަޝްވަރާތައް ކުރިއަށް ގެންގޮސްފައިވާ ކަމަށް މަސްދަރުތަކުން ބުނެއެެވެ.
މި މަޝްވަރާތަކަށް އެމެރިކާގެ ރައީސް ޓްރަމްޕް ވަނީ މިއީ އެ ދެ ޤައުމުގެ ވިޔަފާރީގެ ގުޅުން އަލުން ފެށެނީކަމަށް ބުނެ އެކަން ރަމްޒުކޮށްދޭ ކަމެއްގެ ގޮތުގައި ސިފަކުރައްވާފައެވެ. މިއީ އޭނާގެ މިހާރުގެ ދައުރުގައި މިބާވަތުގެ ފުރަތަމަ މަޝްވަރާތަކެވެ. ވަކި އެއްބަސްވުމަކަށް އަދި ވާސިލުވެފައި ނުވިނަމަވެސް، ދެ ފަރާތުގެ އިސްވެރިން ވަނީ މުހިންމު ކުރިއެރުންތަކެއް ލިބިފައިވާކަން ކަށަވަރުކޮށްދީފައެވެ.
މި އެއްބަސްވުމުގެ ސަބަބުން ޗައިނާއާއެކު އެމެރިކާގެ ވިޔަފާރީގެ ދަރަނި އެތައް ގުނައަކުން ކުޑަވެގެންދާނެއެވެ. މިހާރު ދެ ޤައުމުގެ މެދުގައި ކަނޑައެޅިފައިވާ ޓެރިފްތައް ދެމިހުރި ނަމަވެސް، މަޢުލޫމާތު ލިބޭ ގޮތުގައި މަޝްވަރާތަކުގައި ދެކެވޭ ވާހަކަތަކުން ވިޔަފާރީގެ ހުރަސްތައް މަރުހަލާތަކަކަށް ބަހާލައިގެން ކުޑަކުރުމަށާއި އިޤްތިޞާދީ އެއްބާރުލުން އަލުން ފެށުމަށް މަގުފަހިވެގެންދާނެއެވެ.
