70 އަށްވުރެ ގިނަ ބޭހަކުން 15% ފައިދާ ލައިގެން ވިއްކުމުގެ ހުއްދަ ދެއްވައިފިއެވެ.
ރައީސް ވިދާޅުވި ގޮތުގައި، މި ނިންމުމަކީ އާސަންދަ ރިފޯމްގެ ތެރެއިން ބޭހުގެ އަގުތައް ކުޑަކުރުމަށްފަހު، ބައެއް ފަރާތްތަކުން ބޭސް އެތެރެކުރުން ހުއްޓާލުމާއި ގުޅިގެން އައި ބޭހުގެ ދަތިކަން ޙައްލުކުރުމަށް އެޅުއްވި ފިޔަވަޅެކެވެ.
ސަރުކާރުން ބޭހުގެ ކަންކަން ޙައްލުކުރުމަށް އަޅުއްވާފައިވާ އިތުރު ފިޔަވަޅުތަކުގެ ތެރޭގައި:
1. އަސާސީ ބޭހުގެ ލިސްޓުގައި ހިމެނޭ 10 ބޭހެއް ފިޔަވައި އެހެން ހުރިހާ ބޭހެއް އެސްޓީއޯގެ ހުރިހާ ބޭސްފިހާރައަކަށް ފޮނުވުން.
2. އެޕްރޫވްޑް ޑްރަގް ލިސްޓުގައި ހިމެނޭ 1,207 ބޭހުގެ ތެރެއިން 784 ބޭސް ގެނައުން އަދި 308 ބޭހަށް އޯޑަރު ދިނުން.
3. 115 ބޭހެއް ގެނައުމަށް ސަޕްލަޔަރުން ހޯދުމުގެ މަސައްކަތް އެސްޓީއޯއިން ކުރިއަށް ގެންދިއުން.
މި ފިޔަވަޅުތަކަކީ ބޭސް އެތެރެކުރުމަށް ބާރުއެޅުމަށާއި ބޭހުގެ ދަތިކަން ޙައްލުކުރުމަށް އެޅުއްވި ފިޔަވަޅުތަކެއް ކަމަށް ރައީސުލްޖުމްހޫރިއްޔާ ވިދާޅުވެފައިވެއެވެ.
މި ފިޔަވަޅުތަކުން ބޭހުގެ ދަތިކަން ޙައްލުވެ، ރައްޔިތުންނަށް ބޭނުންވާ ބޭސް ފަސޭހަކަމާއެކު ލިބޭނެ ކަމަށް ސަރުކާރުން ބުނެ އެވެ.
