އެމިރޭޓްސް ސްޓޭޑިއަމްގައި ކުޅުނު ޔުއެފާ ޗެމްޕިއަންސް ލީގުގެ ކުއާޓާ ފައިނަލްގެ ފުރަތަމަ ލެގުގައި އާސެނަލުން ރެއާލް މެޑްރިޑް 3-0 އިން ބަލިކުރިއިރު މިޑްފީލްޑަރު ޑެކްލަން ރައިސް ވަނީ ތާރީހެއް ހަދާފައެވެ.

ރައިސް ހެދި ތާރީހަކީ ޗެމްޕިއަންސް ލީގުގެ ނޮކްއައުޓް ސްޓޭޖުގެ މެޗެއްގައި ސީދާ ދެ ހިލޭ ޖެހުމަކުން ގޯލް ވެއްދި ފުރަތަމަ ކުޅުންތެރިޔާ އެވެ.

އޭނާ ވަނީ 58 ވަނަ މިނެޓާއި 70 ވަނަ މިނެޓުގައި ސީދާ ހިލޭ ޖެހުމަކުން ފާހަގަކޮށްލެވޭ ދެ ގޯލު ޖަހައިދީފަ އެވެ.

ރިއަލް ކޮޅަށް ރައިސް ޖެހި ފްރީކިކް ގޯލަކީ މިއީ ސީނިއާ މެޗުގައި ކުޅުނު 300 އަށް ވުރެ ގިނަ މެޗުގައި ސީދާ ހިލޭ ޖެހުމަކުން ޖެހި ފުރަތަމަ ގޯލެވެ. މި ކާމިޔާބީގެ ސަބަބުން ކްރިސްޓިއާނޯ ރޮނާލްޑޯ، ނޭމާ، ރިވާލްޑޯ، އަދި ހަކިމް ޒިޔެޗް ހިމެނޭ ގޮތަށް އެލައިޓް ގްރޫޕެއްގެ ތެރޭގައި ރައިސް ހިމެނިފައިވާއިރު، މިއީ ޗެމްޕިއަންސް ލީގުގެ މެޗެއްގައި ދެ ހިލޭ ޖެހުމެއް ޖެހި ފަސް ވަނަ ކުޅުންތެރިޔާގެ އެވެ.

ޔޫއެފާ ޗެމްޕިއަންސް ލީގުގެ ތާރީހުގައި އެއް މެޗަކުން ސީދާ ހިލޭ ޖެހުމަކުން ދެ ގޯލް ޖަހައިފައިވަނީ:

1. ރިވާލްޑޯ – 2000 ވަނަ އަހަރު އޭސީ މިލާންއާ ދެކޮޅަށް ކުޅުނު މެޗުގަ.

2. ކްރިސްޓިއާނޯ ރޮނާލްޑޯ – 2009 ވަނަ އަހަރު އެފްސީ ޒޫރިކް ކޮޅަށް.

3. ނޭމާ – 2018 ވަނަ އަހަރު ރެޑް ސްޓާ ބެލްގްރޭޑްއާ ދެކޮޅަށް ކުޅުނު މެޗުގައި.

4. ހާކީމް ޒިޔެޗް – 2023 ވަނަ އަހަރު މެންޗެސްޓާ ޔުނައިޓެޑާ ދެކޮޅަށް

5. ޑެކްލަން ރައިސް – މިހާރު ކުޅެމުންދާ މުބާރާތުގައި ރެއާލް މެޑްރިޑާ ދެކޮޅަށް.

މެޗަށް ފަހު ރައިސް ވަނީ ހިލޭ ޖެހުން ފޮނުވާލުމުގެ ތެރޭގައި ހިތްވަރު ދިން ސެޓް ޕީސް ކޯޗު ނިކޮލަސް ޖޯވަރ އާއި ޓީމްމޭޓް ބުކާޔޯ ސާކާ އަށް ކްރެޑިޓް ދީފަ އެވެ

ރައިސް އާސެނަލްއާ ގުޅުނީ 2023 ވަނަ އަހަރުގެ ޖުލައި މަހު އެވެ.

އޭނާ ވަނީ އެ ކްލަބަށް 50 އަށް ވުރެ ގިނަ މެޗު ކުޅެދީ 12 ގޯލް ޖަހައި 17 އެސިސްޓް ކޮށްފަ އެވެ.

އޭނާއަށް ހަފްތާއަކު ގާތްގަނޑަކަށް 250،000 ޕައުންޑް ލިބެ އެވެ.