އއ. ރަސްދޫގައި ހުސްވި މަހު ފަހުކޮޅު ހިނގި އަލިފާނުގެ ހާދިސާގައި ފިހުނު ފިރިހެން މީހާ ވެންޓިލޭޓަރުން ނަގައިފި ކަމަށް އެ ހޮސްޕިޓަލުން މިއަދު ބުނެފި އެވެ. 

އެ ހާދިސާގައި ފިހުނު އަންހެންމީހާ ވަނީ ހާސިސާ ހިނގިތާ 7 ވަނަ އަށްވީ ދުވަހު މަރުވެފައެވެ.

އައިޖީއެމްއެޗް ހޮސްޕިޓަލުގެ މީޑިއާ އޮފިޝަލް ވިދާޅުވީ 31 އަހަރުގެ ފިރިހެން މީހާ ވެންޓިލޭޓަރުން ނަގާފައިވާ ކަމަށާއި ނަމަވެސް އޭނާއަށް އަދިވެސް ފަރުވާ ދެމުންދަނީ އައިސީޔޫގައެވެ.

ރަސްދޫގައި މި ހާދިސާ ހިނގީ މިދިޔަ މަހުގެ 24 ގައި އެދެމީހުން ނިދާ ކޮޓަރީގައެވެ. އެދެމީހުންގެ ފަސްއަހަރުގެ ދަރިއެއް ވެސް ހުރެއެވެ.

ފުލުހުން އަދިވެސް ދަނީ މި ހާދިސާ ތަހުގީގުކުރަމުންނެވެ.