މެދުރާއްޖެތެރެއާއި ދެކުނަށް މިރޭ ވިއްސާރަކުރުން އެކަށީގެންވާކަމަށް މޫސުމާއި ބެހޭ ޤައުމީ އިދާރާ (މެޓް) އިން ބުނެފިއެވެ.

މެޓް އިން މިރެއަށް ލަފާކޮށް ނެރުނު މޫސުމީ ސަމާލުގައި ބުނީ މެދުރާއްޖެތެރެއާއި ދެކުނުގެ އެކި ހިސާބަށް ވިއްސާރަކުރުމާއެކު ގުގުރުން އެކަށީގެންވާ ކަމަށާއި އުތުރުގެ ބައެއް ރަށްތަކަށް ކެރީގެ އަސަރުކުރުމާއެކު ގުގުރުން އެކަށީގެންވާ ކަމަށެވެ.

ދެކުނުގެ އަތޮޅުތަކަށް ހުޅަނގާއި ހުޅަނގުއުތުރުން، ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓް އިން ބުންޏެވެ. އަދި މެދުރާއްޖެތެރެއާއި އުތުރުގެ އަތޮޅުތަކަށް ހުޅަނގުއުތުރާއި އުތުރުން، ގަޑިއަކު 3 މޭލާއި 13 މޭލާ ދެމެދުގެ ބާރުމިނުގައި ވައިޖެހޭނެ ކަމަށް މެޓް އިން ބުންޏެވެ.

މެޓް އިން ބުނީ އާދައިގެ ވަރަކަށް ކަނޑު މަޑުވާނެ ކަމަށެވެ. އަދި ދެކުނުގައި ރާޅުގެ އުސްމިން ހުންނާނީ 2 - 4 ފޫޓުގައި ކަމަށާއި މެދުރާއްޖެތެރެއާއި އުތުރުގައި ރާޅުގެ އުސްމިން ހުންނާނީ 1 - 3 ފޫޓުގައި ކަމަށް މެޓް އިން ބުންޏެވެ.