އާސަންދަ އޮފީހުގައި ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ މަޖިލިސް މެންބަރުންނަށް އާސަންދަ ހަމަޖައްސަން ޚާއްސަ ޑެސްކެއް ޤާއިމުކޮށްފައިވާ ކަމަށް ބުނެ ފެތުރުނު ޚަބަރަކީ ދޮގު ޚަބަރެއް ކަމަށް އާސަންދައިން ބުނެފިއެވެ.

“އަދަދު” ނަމަކަށް ކިޔާ ނޫހަކުން ފެތުރި ޚަބަރުގައި ބުނެފައިވަނީ ޕީއެންސީގެ މެންބަރުން ބޭނުންވާ ބަޔަކަށް އާސަންދަ ހަމަޖައްސައިދިނުމަށް ޚާއްސަ ޑެސްކެއް ފެބްރުއަރީ 1 ގައި ޤާއިމުކޮށްފައިވާ ކަމަށެވެ. އަދި މިކަމާއި ގުޅޭ ގޮތުން އާސަންދައިގެ މެނޭޖިންގ ޑިރެކްޓަރ އައިމިނަތު ޒީނިޔާ މުވައްޒަފުންނާއި ބައްދަލުކޮށްފައިވާ ކަމަށް ވެސް އެ ޚަބަރުގައި ބުނެފައިވެއެވެ.

އެހެންނަމަވެސް، އާސަންދައިން ބުނީ އެއީ އެއްވެސް ހަޤީޤަތެއް ނެތް، ދޮގު ޚަބަރެއް ކަމަށެވެ.

“މިއީ ކަނޑައެޅިގެން ދޮގު ޚަބަރެއް. އާސަންދަ ކުންފުނިން މިފަދަ އެއްވެސް ޑެސްކެއް ޤާއިމުކޮށްފައިނުވާނެ ކަމުގައި ދަންނަވަން”.