ހުވަދު އަތޮޅު އުތުރުބުރީ ވިލިނގިލީގައި މި ފަހުން ހިނގި ހިތާމަވެރި ހާދިސާއަކާއި ގުޅިގެން، އަތޮޅު ހޮސްޕިޓަލުގެ ޚިދުމަތްތައް ރަނގަޅު ކުރުމަށް ގޮވާލައި އެ ރަށުގައި މިއަދު އިހުތިޖާޖެއް ބާއްވައިފިއެވެ.
ގއ. ވިލިނގިލީގައި މިއަދު ކުރިޔަށް ދިޔަ އިހުތިޖާޖުގައި ގޮވައިލީ ވީހާވެސް އަވަހަށް ޞިއްޙީ ޚިދުމަތުގެ ފެންވަރު ރަނގަޅު ކުރުމަށް. / ފޮޓޯ: މައާން (ގއ. ވިލިނގިލި)
އިހުތިޖާޖުގެ ބައިވެރިން ފާހަގަކުރި ގޮތުގައި ހޮސްޕިޓަލުގައި އައިސީޔޫގެ ޚިދުމަތާއި ސީޓީ ސްކޭންގެ ޚިދުމަތް ނުލިބުމަކީ ކަންބޮޑުވާ ކަމެކެވެ. އަދި މި ޚިދުމަތްތައް ހޯދުމަށް މާލެ ދާންޖެހުމުން ރައްޔިތުންނަށް ބޮޑެތި ޚަރަދުތަކެއް ކުރަންޖެހޭ ކަމަށް ވެސް ފާހަގަކޮށްފައި ވެއެވެ.
Advertisement
ނިޔާވި އަންހެންމީހާގެ ފިރިމީހާ ވަނީ މިފަދަ ހާދިސާއެއް އިތުރު މީހަކަށް ދިމާވިޔަ ނުދިނުމަށް އެދި، ހޮސްޕިޓަލުގެ ޚިދުމަތްތައް ފުރިހަމަ ކުރުމަށް ގޮވާލާފައެވެ.
ވިލިނގިލީގައި ދިމާވި ހިތާމަވެރި ހާދިސާ އާއި ގުޅިގެން ހޯމް މިނިސްޓަރު އަލީ އިހުސާން ވިދާޅުވެފައި ވަނީ ޖިނާއީ ތަޙުޤީޤެއް ކުރިއަށްދާ ކަމަށެވެ. އަދި ކަމާއި ގުޅޭ ޑޮކްޓަރު މިހާރު ވަނީ މާލެ ގެނެވިފައެވެ.
ރައްޔިތުންގެ ކަންބޮޑުވުންތަކަށް ހައްލެއް ހޯދައި، ހޮސްޕިޓަލުގެ ޚިދުމަތްތައް ރަނގަޅު ކުރުމަށް ކަމާބެހޭ ފަރާތްތަކުން ދަނީ މަސައްކަތް ކުރަމުންނެވެ.
