މާބަނޑު އަންހެން މީހާއާއި ދަރިފުޅު ނިޔާވި ހާދިސާ ހިނގިގޮތް ބަލަމުން އަންނަ ކަމަށް ހެލްތު މިނިސްޓްރީން ބުނެފިއެވެ.
ގއ. އަތޮޅު ހޮސްޕިޓަލުން މާބަނޑު މީހަކަށް ފަރުވާ ނުލިބި ގިނަ އިރުތަކެއްވެ މަންމަ އާއި ތުއްތު ދަރިފުޅު ނިޔާވި ހާދިސާ ހިނގާފައިވަނީ އިއްޔެއެވެ. މި ހާދިސާއާ ގުޅޭ ގޮތުން ހެލްތު މިނިސްޓްރީން ބުނީ ގއ. އަތޮޅު ހޮސްޕިޓަލުގައި ހިނގި މި ހާދިސާއަކީ ވަރަށް ހިތާމަވެރި ހާދިސާއެއް ކަމަށާއި، އެކަން ހިނގި ގޮތް މިނިސްޓްރީން ބަލަމުން އަންނަ ކަމަށެވެ.
މިނިސްޓްރީން ބުނީ އެ ހާދިސާ ހިނގި ގޮތް ވަރަށް ތަފްސީލުކޮށް ތަޙުޤީޤު ކުރާނެ ކަމަށާއި، އެކަމާ ގުޅިގެން އަޅަން ޖެހޭ ފިޔަވަޅުތައް އަޅާނެ ކަމަށެވެ.
Advertisement
ނިޔާވެފައިވަނީ ގއ ވިލިނގިލީ ޒަމާނީވިލާ ޝިއުނާ ތައުފީގާއި ޝިއުނާ ވިހެއި އޭނާގެ 3 ވަނަ ދަރިފުޅެވެ.
މައުލޫމާތު ލިބޭ ގޮތުގައި އިއްޔެ ހަވީރު ޝިއުނާގެ ދަރިފުޅު ނެގުމަށް ހެދި ސިޒޭރިއަށް އަށް ފަހު ހޭނާރައިގެން މަންމައާއި އަދި ދަރިފުޅުވެސް ވަނީ ވެންޓިލޭޓަރަށްލައި ފަރުވާ ދީފައެވެ. ޝިއުނާ ނިޔާވެފައިވަނީ އިތުރު ފަރުވާއަށް މާލެ ގެންދިއުމަށް ކޫއްޑޫއަށް ގެންދިޔަ ފަހުންނެވެ. އަދި ދަރިފުޅު މާލެގެންދިޔަ ނަމަވެސް ރޭ ފަތިހު ދަރިފުޅު ވެސް ވަނީ ނިޔާވެފައެވެ.
