އެމެރިކާގެ ރައީސް ޑޮނަލްޑް ޓްރަމްޕްގެ އަމިއްލަ ޕާޓީގެ ސެނެޓަރ ރޭންޑް ޕޯލް، ޣައްޒާ އާއި ގުޅިގެން އެމެރިކާގެ ރައީސް ޑޮނަލްޑް ޓްރަމްޕް ހުށަހެޅުއްވި "ގާޒާ ސްޓްރިޕް ބާރުގަދަކުރުމުގެ" ހުށަހެޅުމަށް ފާޑުކިޔައިފައެވެ.

ސެނެޓަރ ޕޯލް ކަންބޮޑުވީ އޭގެ ކުރިން ހުރި ރައީސް ޖޯ-ބައިޑަން އެމެރިކާގެ ފައިސާތައް ޚަރަދުކޮށް ޣައްޒާގެ ނަސްލު ނައްތާލުމަށް ކުރި ހަނގުރާމައިގައި އެމެރިކާގެ މީހުން ވެސް މަރުވެފައި ވާތީއެވެ. ޕޯލް އަށް މުހިންމީ އެމެރިކާގެ ބިމުގައި ދިރިއުޅެމުންދާ ރައްޔިތުންގެ ލެޔާއި ފުރާނައެވެ. އެމީހުން ޣައްޒާގެ ހަނގުރާމައަށް ގޮސްގެން ނުވާނެއެވެ.

ޕޯލް ބުނީ ބައިޑެން އަށް ރައްޔިތުން ވޯޓު ނުދިނީ ހަނގުރާމަތކުގައި އެމެރިކާ ރައްޔިތުންގެ ލެޔާއި މުދާ އިސްރާފު ކުރާތީއެވެ.

ރްއްޔިތުން އެމެރިކާ ފަސްޓް ސިޔާސަތަށް ވޯޓުދިނީ މުދަލާއި ސިފައިންގެ ލޭ އިތުރު ތަނަކަށް ވެރިވެގަނެގެން ހޭދަކުރުމުގެ ވިސްނުމުގައި ނޫނެވެ.

އޭނާ މިހެން ބުނީ ރައީސް ޓްރަމްޕް އިޒްރޭލުގެ ބޮޑުވަޒީރު ބެންޖަމިން ނެތަންޔާހޫއާއެކު ބޭއްވި ނޫސްވެރިންގެ ބައްދަލުވުމުގައި އެމެރިކާގެ ސިފައިން ފޮނުވައި "މެދުއިރުމަތީގެ ރިވިއެރާއަކަށް" ބަދަލުކުރާނެ ކަމަށް ވިދާޅުވުމާއި ގުޅިގެންނެވެ.

ބައިނަލްއަޤްވާމީ ޖިނާއީ ކޯޓުން ވަނީ ނޮވެމްބަރު މަހު ނެތަންޔާހޫ އަދި ކުރީގެ ދިފާއީ ވަޒީރު ޔޯވް ގަލަންޓްގެ މައްޗަށް ގާޒާގައި ހިންގި ހަނގުރާމައިގެ ކުށްތަކާއި އިންސާނިއްޔަތާއި ދެކޮޅު ކުށްތަކުގެ ދައުވާގައި އަމުރު ނެރެފައެވެ. އަދި އިޒްރޭލުގެ މައްޗަށް ބައިނަލްއަޤްވާމީ އަދުލު ކޯޓުގައި މައްސަލައެއް ވެސް ހިނގަމުންދެއެވެ.

މި ހުރިހާ ކަމެއް އޮތް އިރުގައި ވެސް އެމެރިކާއިން ދުނިޔެއްށް ދައްކަމުން އެދަނީ ޣައްޒާ މީހުންގެ ޤާތިލުންނަށް އެމެރިކާއިން ޙިމާޔަތް ދޭނެ ކަމެވެ. ޣައްޒާގެ މުސްލިމުންނަކީ އެ ބިމުން ނެރެލާން ޖެހޭނެ ބައެއް ކަމަށް އެމެރިކާ އެދަނީ ފާޅުގައި ބުނަމުންނެވެ. މިވަރުގެ ނުބައި ނުލަފާ ވެރިޔަކު ޣައްޒާއާއި ދެކޮޅަށް ޢަމަލު ކުރުމަށް މިހާތަނަށް އެމެރިކާއަށް ނާންނަ ކަމަށް ބުނެ އެ ޤައުމުގައި ވެސް ބަޔަކު ވަނީ ޓްރަމްޕަށް ދެކޮޅު ހަދައި ހަޖޫ ޖަހާފައެވެ.